ଚାଲିଛି ଶ୍ରମିକଙ୍କ ସ୍ୱାସ୍ଥ୍ୟ ପରୀକ୍ଷା
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ସୁଡ଼ଙ୍ଗରେ ଫସି ରହିଥିବା ୪୧ ଜଣ ଶ୍ରମିକଙ୍କ ଜୀବନ ରକ୍ଷା ପାଇଁ ଉଦ୍ଧାର କାର୍ଯ୍ୟ ଆଜି ସଫଳ ହୋଇଛି। ୧୭ ଦିନ ଉତ୍ତରାଖଣ୍ଡ ଉତ୍ତରକାଶୀ ଟନେଲ ଦୁର୍ଘଟଣାରେ ଏକ ବଡ଼ ସଫଳତା ହାସଲ କରାଯାଇଛି। ମଙ୍ଗଳବାର ସନ୍ଧ୍ୟାରେ ଏହି ଶ୍ରମିକମାନେ ନୂଆ ଜୀବନ ପାଇଛନ୍ତି । ପ୍ରାୟ ଦେଢଘଂଟାର ଅପରେସନରେ ଜଣକ ପରେ ଜଣେ ଶ୍ରମିକଙ୍କୁ ଉଦ୍ଧାର କରାଯାଇଥିଲା । ଉଦ୍ଧାର ପରେ ସମସ୍ତ ୪୧ ଜଣ ଶ୍ରମିକଙ୍କୁ ଆମ୍ବୁଲାନ୍ସ ଯୋଗେ ଡାକ୍ତରଖାନା ନିଆଯାଇଥିଲା, ଯେଉଁଠାରେ ସେମାନଙ୍କର ସ୍ୱାସ୍ଥ୍ୟ ଯାଂଚ କରାଯାଇଛି । ଉଦ୍ଧାର କାମର ସଫଳତା ପରେ ଶ୍ରମିକଙ୍କ ପରିବାର, ଉଦ୍ଧାରକାରୀ ଦଳ ଓ ପ୍ରଶାସନ ଆଶ୍ୱସ୍ତି ହୋଇଛନ୍ତି ।
ଉଦ୍ଧାର କରିବାରେ ସବୁଠାରୁ ବଡ ଭୂମିକା ଗ୍ରହଣ କରିଛନ୍ତି ରାଟ ହୋଲ୍ ମାଇନସର । ଏହାପୂର୍ବରୁ ଆମେରିକୀୟ ଅଗର୍ ମେସିନ୍ ସହିତ ଡ୍ରିଲିଂ ମଧ୍ୟ କରାଯାଉଥିଲା । ମାତ୍ର ଶେଷ ୧୦ ମିଟର ଖନନ ରେଟ୍ ମାଇନିଂଙ୍କ ଦ୍ୱାରା ଅପରେସନ କରାଯାଇଥିଲା । ଯେଉଁଥିପାଇଁ ଶ୍ରମିକଙ୍କ ନିକଟରେ ପହଂଚିବା ସମ୍ଭବ ହୋଇଥିଲା । ସେପଟେ ସମସ୍ତଙ୍କ ଶ୍ରମିକଙ୍କ ସ୍ୱାସ୍ଥ୍ୟାବସ୍ଥା ଯାଞ୍ଚ ଚାଳଇଛଇ । ସମସ୍ତେ ସୁସ୍ଥ ଥିବା କୁହାଯାଉଛି । ପରିବାର ଲୋକ ନିଜ ପିଲାଙ୍କୁ ପାଇଁ ଖୁସି ମନାଉଛନ୍ତି । ଅନ୍ୟପଟେ ସୁଡ଼ଙ୍ଗରେ ଫସିଥିବା ସମସ୍ତ ଶ୍ରମିକଙ୍କୁ ୧ ଲକ୍ଷ ଟଙ୍କାର ଚେକ୍ ପ୍ରଦାନ କରାଯିବାର ଘୋଷଣା ହୋଇଛି ।