https://youtu.be/G_FL0r6Np7M
ଆସିକା (ବଡ଼ ଖବର ବ୍ୟୁରୋ):ଜଳ ଅଭାବରୁ ଉଜୁଡିଗଲା ଫସଲ, ହେଲେ ବିଲରେ ଉଠି ନାହିଁ ଧାନ କେଣ୍ଡା । ଜଳ ଅଭାବ ଯୋଗୁଁ ଜମିରେ ଧାନ ଫସଲ ନଷ୍ଟ ହୋଇଯାଇଛି । ହତାଶ ହୋଇ ପଡିଛନ୍ତି ଚାଷୀ । ବର୍ଷ ସାରା ଅକ୍ଲାନ୍ତ ପରିଶ୍ରମ ପରେ ଅମଳ ହେବା ସମୟରେ ଫସଲ ନଷ୍ଟ ଚାଷୀକୁ ତଳିତଳାନ୍ତ କରିଦେଇଛି । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଧରାକୋଟ ବ୍ଲକ ଝାଡବନ୍ଧ ପଚାଂୟତ ଝାଡବନ୍ଧ ଗ୍ରାମରେ । ଏହି ଗ୍ରାମରେ ଚଳିତ ବର୍ଷ ପ୍ରାୟ ୨୫୦ରୁ ଉଦ୍ଧ୍ୱର୍ ଚାଷୀ ପ୍ରାୟ ତିନି ହଜାର ଭରଣ ଜମିରେ ଧାନ ଚାଷ କରିଥିଲେ । ଜଳ ଅଭାବ ସାଙ୍ଗକୁ ସ୍ୱଳ୍ପ ବୃଷ୍ଟି ରୁଆ ହୋଇଥିବା ଧାନ ଫସଲକୁ ନଷ୍ଟ କରିଦେଇଛି । ଧାର କରଜ କରି ଧାନ ଚାଷ କରିଥିଲେ ଅନେକ ଚାଷୀ । ହେଲେ ଫସଲ ନଷ୍ଟ ଯୋଗୁଁ ପରିବାର ପ୍ରତିପୋଷଣ କେମିତି କରିବେ ସେନେଇ ଚିନ୍ତାରେ ଭାଙ୍ଗି ପଡିଛନ୍ତି ।
