ଖସିବ ପାରଦ, ବଢିବ ଶୀତ

ଭୁବନେଶ୍ୱର (ବଡ଼ ଖବର ବ୍ୟୁରୋ): ନଭେମ୍ବର ଯାଇ ଡିସେମ୍ବର ହେଲା । କିନ୍ତୁ ପଡିଲାନି ଶୀତ । ଶୀତ ହେଉ ନଥିବାରୁ ରାଜ୍ୟରେ ଏକପ୍ରକାର ଅସ୍ବାଭାବିକ ପରିବେଶ ସୃଷ୍ଟି ହୋଇଛି । ରାଜ୍ୟରେ ଆଗକୁ ବଢିବ ଶୀତ । ଆସନ୍ତା ୨ରୁ ୩ ଦିନ ମଧ୍ୟରେ ରାତି ତାପମାତ୍ରା ୨ରୁ ୪ ଡିଗ୍ରୀ ହ୍ରାସ ପାଇବା ସମ୍ଭାବନା ରହିଛି ।

ଆଞ୍ଚଳିକ ପାଣିପାଗ ବିଭାଗର କହିବା ମୁତାବକ ସ୍ୱାଭାବିକ ହେବ ଶୀତ । ଆଗାମୀ ୨ରୁ ୩ ଦିନ ମଧ୍ୟରେ ୨ରୁ ୪ଡ଼ିଗ୍ରୀ ଯାଏଁ ତଳକୁ ଖସିବ ପାରଦ । ବାତ୍ୟାର ପ୍ରଭାବ ପରେ ରାଜ୍ୟରେ କମିଛି କୋହଲା ପାଗ ତଥା ଉତ୍ତର ପଶ୍ଚିମ ଦିଗରୁ ଥଣ୍ଡା ଓ ଶୁଷ୍କ ବାୟୁ ପ୍ରଭାବିତ ହେଉଥିବାରୁ ତଳମୁହାଁ ହେବ ପାରଦ ଓ ଅନୁଭୂତ ହେବ ସ୍ଵାଭାବିକ ଶୀତ । ସେପଟେ ଆସନ୍ତା ୭ ଦିନ ଯାଏଁ ନାହିଁ ଆର୍ଲଟ । ଶୁଖିଲା ରହିବ ପାଗ ।