ଧାନ ଅମଳ ମେସିନରେ ପଶି ଖଣ୍ଡଖଣ୍ଡ ହୋଇଗଲେ ଶ୍ରମିକ

ଜଗନ୍ନାଥ ପ୍ରସାଦ (ବଡ଼ ଖବର ବ୍ୟୁରୋ): ଧାନ ଅମଳ ମେସିନରେ ପଶି ଖଣ୍ଡଖଣ୍ଡ ହୋଇଗଲେ ଅପରେଟର । ଏଭଳି ଘଟଣା ଦେଖିବାକୁ ମିଳିଛି ଗଂଜାମ ଜଗନ୍ନାଥପ୍ରସାଦ ଥାନା ଜିରାବାଡି ଗ୍ରାମରେ । ମେସିନ ସାହାଯ୍ୟରେ ଧାନ ଅମଳ କରୁଥିବା ସମୟରେ ଅସାଵଧାନତା କାରଣରୁ ଶ୍ରମିକଙ୍କ ମୃତ୍ୟୁ ହୋଇଛି । ଏବେ ଧାନ ଅମଳ ସମୟ ଚାଲିଛି । ଧାନକୁ କାଟି ଜମିରେ ହିଁ ମେସିନ ସାହାଯ୍ୟରେ ଧାନ ଅମଳ କରାଯାଉଛି । ମଙ୍ଗଳବାର ଜଗନ୍ନାଥପ୍ରସାଦ ବ୍ଲକ ଜିରାବାଡି ଗ୍ରାମରେ ଧାନ ଅମଳ ପାଇଁ ମେସିନ ଲଗାଯାଇଥିଲା । ମେସିନ ଅପରେଟିଂ କରୁଥିବା ଶ୍ରମିକ ବୁଲୁ ପାତ୍ରଙ୍କ ଗୋଡ ମେସିନ ମଧ୍ୟରେ ପଶିଯାଇଥିଲା । ଯାହା ଫଳରେ ସେ ଭିତରକୁ ଟାଣି ହୋଇଯାଇଥିଲେ । ମେସିନ ମଧ୍ୟରେ ଶରୀର ଖଣ୍ଡ ବିଖଣ୍ଡିତ ହୋଇ ଅନ୍ୟ ପଟରେ ବାହାରି ଯାଇଥିଲା । ଏଭଳି ଦୃଶ୍ୟ ଦେଖିବା ପରେ ଗାଁରେ ଉତେଜନା ଦେଖାଦେଇଥିଲା । ପୋଲିସ୍ ପହଁଚି ଶବ ଜବତ କରିବା ସହ ସ୍ଥିତିକୁ ସମ୍ଭାଳିଛି ।