ଋଷିଆର ବେଲଗୋରୋଡ୍ ସହରରେ ୟୁକ୍ରେନର ଏୟାରଷ୍ଟ୍ରାଇକ୍, ୧୮ ମୃତ
Related Posts
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ପୁଣି ମୁଣ୍ଡ ଟେକିଲା ଋଷ-ୟୁକ୍ରେନ ଯୁଦ୍ଧ । ନୂଆବର୍ଷ ପୂର୍ବରୁ ୟୁକ୍ରେନ୍ ଉପରେ ପ୍ରଚଣ୍ଡ ଆକ୍ରମଣ କରିଛି ରୁଷ୍ । ଯାହାର ପାଲଟା ଜବାବ ଦେଇଛି ୟୁକ୍ରେନ । ୟୁକ୍ରେନର ଏୟାରଷ୍ଟ୍ରାଇକରେ ୧୮ ଜଣଙ୍କର ମୃତ୍ୟୁ ହୋଇଛି । ଋଷିଆର ବେଲଗୋରୋଡ୍ ସହରରେ ୟୁକ୍ରେନର ଏୟାରଷ୍ଟ୍ରାଇକ୍ କରିଛି । ଫଳରେ ଆକ୍ରମଣରେ ୨ ଶିଶୁ ସମେତ ୧୮ ରୁଷୀୟ ନାଗରିକଙ୍କ ମୃତ୍ୟୁ ହୋଇଛି । ଋଷିଆର ଘନଘନ ଏୟାରଷ୍ଟ୍ରାଇକ ପରେ ୟୁକ୍ରେନ୍ର ପ୍ରତିଆକ୍ରମଣ କରିଥିଲା । କିଭ୍, ଲଭିବ୍, ଓଡେଶା, ନିପ୍ରୋ, ଖାରଖିଭ୍, ଜାପୋରିଝିଆ ସମେତ ବିଭିନ୍ନ ସହରରେ ଗତକାଲିଠାରୁ ଆରମ୍ଭ ହୋଇଥିବା ଏହି ଭୟାନକ ଆକ୍ରମଣ ଜାରି ରହିଛି। ଆଜି ସକାଳ ସୁଦ୍ଧା ରୁଷ୍ ୧୨୨ଟି କ୍ଷେପଣାସ୍ତ୍ର ମାଡ଼ କରିଥିବା ବେଳେ ୩୬ଟି ଡ୍ରୋନ୍ ଫାୟାର କରିଛି। ଫେବ୍ରୁଆରି ୨୦୨୨ରେ ଯୁଦ୍ଧ ଆରମ୍ଭ ହେବା ପରଠାରୁ ଦିନକ ମଧ୍ୟରେ ଏହା ସବୁଠାରୁ ବଡ଼ ଆକ୍ରମଣ ବୋଲି କୁହାଯାଉଛି।