ଓଡ଼ିଆ ସେନା ଅଧିକାରୀ ମେଜର ପ୍ରଭଞ୍ଜନ ପାଢ଼ୀଙ୍କୁ ମିଳିଲା ସେନା ପଦକ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ସେନା ଦିବସ ୨୦୨୪ ଗ୍ୟାଲେଣ୍ଟ୍ରି ପାଇଁ ଓଡ଼ିଆ ଅଧିକାରୀଙ୍କୁ ମିଳିଲା ସେନା ପଦକ । ଓଡ଼ିଆ ସେନା ଅଧିକାରୀ ମେଜର ପ୍ରଭଞ୍ଜନ ପାଢ଼ୀ ସେନା ପଦକ ସହିତ ସମ୍ମାନିତ ହୋଇଥିଲେ। ଦିଲ୍ଲୀରେ ସେନା ଦିବସ ପରେଡରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏହି ପଦକ ପ୍ରଦାନ କରିଥିଲେ। ଜାମ୍ମୁ କାଶ୍ମୀରରେ ଏକ ରାଷ୍ଟ୍ରୀୟ ରାଇଫଲ୍ସ ବାଟାଲିଅନର କମ୍ପାନୀ କମାଣ୍ଡର ଭାବରେ କାର୍ଯ୍ୟ କରି ମେଜର ପ୍ରଭଞ୍ଜନ ପାଢ଼ୀ ଆତଙ୍କବାଦ ବିରୋଧୀ କାର୍ଯ୍ୟରେ ଅତୁଳନୀୟ ସାହସ ଦେଖାଇଥିଲେ । ଯେଉଁଥିପାଇଁ ତାଙ୍କୁ ଏହି ସମ୍ମାନଜନକ ପଦକ ପ୍ରଦାନ କରାଯାଇଛି। ଲସ୍କର-ଏ-ତୋଏବାର ଆତଙ୍କବାଦୀମାନଙ୍କୁ ନିପାତ କରି ଜନସାଧାରଣଙ୍କୁ ସୁରକ୍ଷିତ ଉଦ୍ଧାର ଲାଗି ପାରାଦୀପ ପିପିଏଲର ବନ୍ତ ପାଢୀଙ୍କ ପୁଅ ମେଜର ପ୍ରଭଞ୍ଜନ ପାଢ଼ୀଙ୍କୁ ମିଳିଛି ସେନା ମେଡାଲ୍।