https://youtu.be/t9VzEPr9Sxw
ଭୁବନେଶ୍ୱର (ବଡ଼ ଖବର ବ୍ୟୁରୋ): ଫରଫର ଉଡ଼ିଲା ତ୍ରିରଙ୍ଗା । ଭୁବନେଶ୍ୱର ଗାନ୍ଧି ମାର୍ଗରେ ପାଳିତ ହେଲା ଗଣତନ୍ତ୍ର ଦିବସ । ପତାକା ଉତ୍ତୋଳନ କରିଥିଲେ ରାଜ୍ୟପାଳ ରଘୁବର ଦାସ । ସମ୍ମାନିତ ଅତିଥି ଭାବେ ଯୋଗଦେଇଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପତାକା ଉତ୍ତୋଳନ ପରେ ପରେଡରେ ଅଭିବାଦନ ଗ୍ରହଣ କରିଥିଲେ ରାଜ୍ୟପାଳ । ଗାନ୍ଧି ମାର୍ଗରେ ହୋଇଥିଲା ରଙ୍ଗାରଙ୍ଗ ପରେଡ୍ । ପରେଡର ନେତୃତ୍ୱ ନେଲେ ଆଇପିଏସ ଅଫିସର ଏ.ବି. ଶିଳ୍ପା ।
ପରେଡରେ ୬୪ଟି କଣ୍ଟିଜେଣ୍ଟ ଭାଗ ନେଇଥିଲେ । ଆଇଟିବିପି, ସିଆରପିଏଫ, ବିଏସଏଫ, ଫାୟାର, ଓଡ୍ରାଫ, ଓଡ଼ିଶା ହୋମ ଗାର୍ଡ, ଆରପିଏଫ, ସୈନିକ ସ୍କୁଲ ପୋଲିସ ବ୍ୟାଣ୍ଡ ସମେତ ବିଭିନ୍ନ ସ୍କୁଲର ଛାତ୍ରଛାତ୍ରୀ ସାମିଲ ହୋଇଥିଲେ । ଏଥିସହ ନକ୍ସଲ ଦମନରେ ଦକ୍ଷ ଝାଡ଼ଖଣ୍ଡ ପୋଲିସ ବି ପରେଡରେ ସାମିଲ ହୋଇଥିଲା । ଗାନ୍ଧି ମାର୍ଗରେ ଦେଖିବାକୁ ମିଳିଥିଲା ଡେୟାର ଡେଭିଲ ଶୋ’ । ୩୫ ବାଳକ, ୩୦ ବାଳିକା ଡେୟାର ଡେଭିଲ ଶୋ’ ପ୍ରଦର୍ଶିତ କରିଥିଲେ ।
ଛାତ୍ରଛାତ୍ରୀଙ୍କ ଦ୍ୱାରା ଚିତ୍ତାକର୍ଷକ ସ୍କେଟିଂ ପ୍ରଦର୍ଶନ କରାଯାଇଥିଲା । କଳାକାରଙ୍କ ଦ୍ୱାରା ବିଭିନ୍ନ ନୃତ୍ୟ ପରିବେଷଣ କରାଯାଇଥିଲା । ଢେମସା, ରଣପା ଓ ଯୋଡ଼ିଶଙ୍ଖ ନୃତ୍ୟ ସହ ପୁରୀର ପ୍ରସିଦ୍ଧ ଲୋକକଳା ସାହିଯାତ ପ୍ରଦର୍ଶିତ । ପରେଡରେ ସାମିଲ ହୋଇଥିଲା ପ୍ରଜ୍ଞାପନ ମେଢ । ସରକାରଙ୍କ ବିଭିନ୍ନ ଯୋଜନାକୁ ନେଇ ପ୍ରଜ୍ଞାପନ ମେଢ ପ୍ରଦର୍ଶିତ କରାଯାଇଥିଲା । ତ୍ରିସ୍ତରୀୟ ସୁରକ୍ଷା ବ୍ୟବସ୍ଥାରେ ରହିଥିଲା ପୁରା ମାହାତ୍ମା ଗାନ୍ଧି ମାର୍ଗ ।
