ରାସ୍ତା ନାହିଁ ତ ଭୋଟ ନାହିଁ

ସୋରୋଡା (ବଡ଼ ଖବର ବ୍ୟୁରୋ): ରାସ୍ତା ନାହିଁ ତ ଭୋଟ ନାହିଁ। ସରକାର ଆଖି ଖୋଲି ଆମର ଦାବି ପୂରଣ କର। ଏଭଳି ନାରା ଦେଇ ଆସ୍କା – ବେଲଗୁଣ୍ଠା ରାଜରାସ୍ତାକୁ ଅବରୋଧ କଲେ ଶତାଧିକ ଲୋକେ ।ବେଲଗୁଣ୍ଠା ଥାନା କିରାପଲ୍ଲୀ ଗାଁର ଶତାଧିକ ମହିଳା ଓ ପୁରୁଷ ରାଜରାସ୍ତା ଉପରକୁ ଆସି ରାସ୍ତା ଅବରୋଧ କରିଥିଲେ।ଗାଁକୁ ପକ୍କା ରାସ୍ତା ତୁରନ୍ତ ନିର୍ମାଣ କରିବା ଦାବିରେ ଏଭଳି ନିଷ୍ପତି ନେଇଛନ୍ତି ଗାଁ ଲୋକେ।

ବହୁ ବର୍ଷ ଧରି କିରାପଲ୍ଲୀ ଗାଁକୁ ସଂଯୋଗ କରୁଥିବା ଦୁଇ କିଲୋମିଟର ରାସ୍ତା ଖାଲଖମାରେ ଭର୍ତ୍ତି ହୋଇ ରହିଛି। ପ୍ରତିଦିନ ଯାତାୟାତରେ ବହୁ ସମସ୍ୟା ହେଉଛି ଏନେଇ ବାରମ୍ବାର ବିଭାଗୀୟ ଅଧିକାରୀଙ୍କୁ ଜଣାଇଥିଲେ ବି କିଛି ସୁଫଳ ମିଳିନଥିଲା। ଶେଷରେ ବାଧ୍ୟ ହୋଇ ଗାଁ ଲୋକେ ରାଜରାସ୍ତାକୁ ଓହ୍ଲାଇ ପ୍ରତିବାଦ କରିଛନ୍ତି।