ପୋଲ ଉପରେ ଝୁଲିଲା ଜନନୀ ଏକ୍ସପ୍ରେସ

ନୀଳଗିରି (ବଡ଼ ଖବର ବ୍ୟୁରୋ): ନୀଳଗିରି-ଉଦଳା ୧୯ ନମ୍ବର ରାଜ୍ୟ ରାଜପଥର ପାନବଜାର ଛକ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା । ରୋଗୀ ଆଣିବାକୁ ଯିବା ବେଳେ ନିର୍ମାଣାଧୀନ ପୋଲ ଉପରେ ଦୁର୍ଘଟଣାଗ୍ରସ୍ତ ହୋଇଛି ଜନନୀ ଏକ୍ସପ୍ରେସ । ବ୍ୟାରିକେଡ ଭାଙ୍ଗି କଲଭଟ ଉପରେ ଛୁଲି ରହିଛି ଆମ୍ବୁଲାନ୍ସ । ଦ୍ରୁତ ଗତିରେ ଯାଉଥିବାରୁ ଦୁର୍ଘଟଣା ଘଟିଥିବା ଜଣାପଡ଼ିଛି । ଆମ୍ବୁଲାନ୍ସ ଡ୍ରାଇଭର ସୁରକ୍ଷିତ ଥିବା ବେଳେ ଘଟଣାସ୍ଥଳରୁ ଫେରାର ହୋଇଯାଇଛି ।

ଗତକାଲି ବିଳମ୍ୱିତ ରାତିରେ ଜନନୀ ଏକ୍ସପ୍ରେସ ପେସେଣ୍ଟ ଆଣିବାକୁ ଯାଉଥିବା ସମୟରେ ଉକ୍ତ ଦୁର୍ଘଟଣା ଘଟିଥିବା ସ୍ଥାନୀୟ ଲୋକ ମାନେ ଅନୁମାନ କରୁଛନ୍ତି । ତେବେ ପୋଲ ପୁର୍ବରୁ ଷ୍ଟପ ବୋର୍ଡ, ମାଟି ନିର୍ମିତ ହମ୍ପସକୁ ଟପି ଗାଡିଟି ଅର୍ଦ୍ଧନିର୍ମିତ ପୋଲ ଉପରେ ପଡିଥିବା ଦେଖାଯାଇଛି। ଆମ୍ବୁଲାନ୍ସ ଡ୍ରାଇଭରର ଅତ୍ୟଧିକ ଦାୟିତ୍ୱହୀନତା ପାଇଁ ଏପରି ଘଟି ଥିବା କୁହାଯାଉଛି।