ରାଜୁ ଦାସଙ୍କୁ ଅଧା ବାଟରେ ଅଟକାଇଲେ ବିଜେପି କର୍ମୀ

ସୋର (ବଡ଼ ଖବର ବ୍ୟୁରୋ): ରାଜୁ ଦାସଙ୍କୁ ଅଧା ରାସ୍ତା ଅଟକ ରଖିଛନ୍ତି ସୋର ବିଜେପି କର୍ମୀ। ସୋରକୁ ପଶିବା ବାଟରେ ଜୋରଦାର କର୍ମୀମାନେ ବିରୋଧ କରିଥିବା ଦେଖିବାକୁ ମିଳିଛି। ଗତ ୨ତାରିଖରେ ବିଜେପି ଦଳ ପକ୍ଷରୁ ସୋର ନିର୍ବାଚନମଣ୍ଡଳି ନିମନ୍ତେ ରାଜୁ ଦାସଙ୍କୁ ବିଜେପି ପ୍ରାର୍ଥୀ ଘୋଷଣା କରାଯାଇଥିଲା।

ଆଜି ରାଜୁ ଦାସ ପ୍ରଥମ କରି ସୋର ନିର୍ବାଚନମଣ୍ଡଳିକୁ ଆସିଥିବା ବେଳେ ଜାତୀୟ ରାଜପଥ ମାଆ ତାରିଣୀ ମନ୍ଦିର ନିକଟରେ ପୂଜାର୍ଚ୍ଚନା କରୁଥିବା ବେଳେ ସୋର ବିଜେପି କର୍ମୀମାନେ ଖବର ପାଇଁ ଘଟଣାସ୍ଥଳରେ ପହଞ୍ଚି ଗୋ-ବ୍ୟାକ ଗୋ-ବ୍ୟାକ ନାରା ଦେଇ ତାଙ୍କ ବିରୋଧ କରିଛନ୍ତି। ଯେତେ ପର୍ଯ୍ୟନ୍ତ ଏହି ଘଟଣା ସମାଧାନ ହୋଇ ନାହିଁ ସେତେ ପର୍ଯ୍ୟନ୍ତ ରାଜୁ ଦାସ ସୋର ମାଟି ନପଶିବାକୁ କର୍ମୀମାନେ ଦାବି କରିଛନ୍ତି।