ବ୍ଲକରେ ନାହିଁ ପିଇବା ପାଣି
ସାହାରପଡା (ବଡ଼ ଖବର ବ୍ୟୁରୋ): ଖରା ଦିନ ଆରମ୍ଭରୁ ଦେଖା ଦେଲାଣି ଜଳ କଷ୍ଟ । ପିଇବା ପାଣି ପାଇଁ ଆଉଟୁ ପାଉଟୁ ହେଉଛନ୍ତି ଲୋକେ । ଏଭଳି ଦୃଶ୍ୟ ଦେଖିବାକୁ ମିଳିିଛି ସାହାରପଡା ବ୍ଳକରେ । ପାନୀୟ ଜଳର ବ୍ୟବସ୍ଥା ନଥିବା ଫଳରେ ପିଇବା ପାଣି ପାଇଁ ଲୋକେ ଡହଳ ବିକଳ ହେଉଛନ୍ତି । କଲବଲ କରୁଛି ଗ୍ରୀଷ୍ମ ପ୍ରବାହ । ଅସମ୍ଭାଳ ତାତି ସାଙ୍ଗକୁ କଲବଲ କରୁଛି ଗୁଳୁଗୁଳି । ରାଜ୍ୟରେ ପ୍ରଚଣ୍ଡ ତାତି ଜାରି ରହିଥିବା ବେଳେ କେନ୍ଦୁଝର ଜିଲାରେ ଦିନ ୯ଟା ବାଜିଲେ ପ୍ରବଳ ଖରା ଅନୁଭୂତ ହେଉଛି।
ପ୍ରଚଣ୍ତ ଖରାରେ ଲୋକେ ଆଉଟୁ ପାଉଟୁ ହେଉଥିବା ବେଳେ କେନ୍ଦୁଝର ଜିଲା ସାହାରପଡା ବ୍ଳକ ମୁଖ୍ୟାଳୟରେ ଥଣ୍ଡା ପାନୀୟ ଜଳର ବ୍ୟବସ୍ଥା ନାହିଁ । ଯାହା ଫଳରେ ବିଭିନ୍ନ କାମ ନେଇ ବ୍ଳକକୁ ଆସୁଥିବା ଜନସାଧାରଣ ଲୋକେ ପାଣି ପିଇବା ପାଇଁ କଲବଲ ହେଉଥିବା ନଜରକୁ ଆସିଛି । ତେବେ ଏଠି ପ୍ରଶ୍ନ ଉଠୁଛି ବ୍ଳକରେ ଯଦି ପିଇବା ପାଣିର ବ୍ୟବସ୍ଥା ନାହିଁ ଉପାନ୍ତ ଅଞ୍ଚଳରେ ଏହା କେତେ କାର୍ଯ୍ୟକାରୀ ହେଉଛି ତାହା ଏଥିରୁ ସ୍ପଷ୍ଟ ବାରି ହୋଇ ପଡ଼ୁଛି।