କିଛି ବଡ଼ ଡିଲ କରିପାରନ୍ତି ନୀତୀଶ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ସରିଛି ନିର୍ବାଚନ । ରେଜଲ୍ଟକୁ ଅପେକ୍ଷା । କିନ୍ତୁ ରେଜଲ୍ଟ ଆସିବା ପୂର୍ବରୁ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଦିଲ୍ଲୀ ଗସ୍ତ କରିଛନ୍ତି। ନୀତୀଶ ଦିଲ୍ଲୀରେ କିଛିଦିନ ଅବସ୍ଥାନ କରି ବିଜେପି କେନ୍ଦ୍ରୀୟ ନେତାଙ୍କୁ ଭେଟିପାରନ୍ତି ବୋଲି ଜେଡିୟୁ ସୂତ୍ରରୁ ଜଣାପଡ଼ିଛି। ଅନ୍ୟପକ୍ଷେ ଏଗଜିଟ୍‌ ପୋଲ୍‌ ବିହାରରେ ବିଜେପି ଏବଂ ତେଜସ୍ବୀ ଯାଦବଙ୍କ ଆର୍‌ଜେଡିକୁ ଅଧିକ ଆସନ ଦେଉଥିବାବେଳେ ନୀତୀଶଙ୍କ ଜେଡିୟୁ କମ୍‌ ସିଟ୍‌ ପାଇବ ବୋଲି ଆକଳନ କରିଛି।

ତେଣୁ ନୀତୀଶଙ୍କ ଏହି ଗସ୍ତକୁ ନେଇ କଳ୍ପନାଜଳ୍ପନା ପ୍ରକାଶ ପାଇଛି। ନୀତୀଶ ଏନଡିଏ ନେତାମାନଙ୍କ ସହ କିଛି ବଡ଼ ଡିଲ୍‌ କରିପାରନ୍ତି। ଏପରିକି ସେ ବିହାର ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆଗାମୀ କ୍ୟାବିନେଟରେ ସାମିଲ ହୋଇପାରନ୍ତି ବୋଲି ଚର୍ଚ୍ଚା ହେଉଛି।