ଜଳ କର ଛାଡ଼ ପାଇଁ ଜିଲ୍ଲାପାଳଙ୍କ କାର୍ଯ୍ୟାଳୟରେ ଚାଷୀଙ୍କ ଧାରଣା

ନୂଆପଡ଼ା (ବଡ଼ ଖବର ବ୍ୟୁରୋ): ଜଳ କର ଛାଡ଼ କରିବା ଦାବିରେ ନୂଆପଡା ଜିଲ୍ଲାପାଳଙ୍କ କାର୍ଯ୍ୟାଳୟରେ ଚାଷୀଙ୍କ ଧାରଣା। ଜଳ କର ନଦେଲେ ହୋଇ ପାରୁନି ଖରିପ ଧାନ ବିକ୍ରି ପାଇଁ ନାମ ପଞ୍ଜିକରଣ । ଚିନ୍ତାରେ ଚାଷୀ। ଆସନ୍ତା ୧୫ ତାରିଖ ହେଉଛି ପଞ୍ଜିକରଣର ଶେଷ ତାରିଖ। ଏକା ଥରକେ ଦଶ ବର୍ଷର କର ଦେବା ପାଇଁ ନୋଟିସ ଆସିଥିବା ଚାଷୀମାନେ ଅଭିଯୋଗ କରିଛନ୍ତି। ଦଶ ବର୍ଷର କର ମୂଲ୍ୟ ବହୁତ ଅଧିକା ହୋଇଥିବାରୁ ଚାଷୀମାନେ ନାଦେଇ ପାରୁଛନ୍ତି ଜଳ କର ନା କରି ପାରୁଛନ୍ତି ଧାନ ବିକ୍ରି ପାଇଁ ନିଜର ନାମ ପଞ୍ଜିକରଣ।

ଆଜି ବିଶୋରା ପଞ୍ଚାୟତର ଚାଷୀମାନେ ଧାରଣା ଦେଇଥିବା ବେଳେ ଆଗାମୀ ଦିନର ଅନ୍ୟ ପଞ୍ଚାୟତର ଚାଷୀମାନେ ଆସିବେ ବୋଲି ଚାଷୀ ନେତା କହିଛନ୍ତି। ଅନ୍ୟପଟେ ଦୀର୍ଘ ଅନେକ ବର୍ଷ ଧରି ବିଜେଡି ସରକାର ଶାସନରେ ରହି ବି ଚାଷୀଙ୍କ ସମାଧାନ କରିନଥିବା କହି ବିଜେଡି ଉପରେ ବର୍ଷିଛନ୍ତି ଯୁବ ମୋର୍ଚ୍ଚା ସଭାପତି ଅଭିନନ୍ଦନ ପଣ୍ଡା।ସମସ୍ୟାର ସମାଧାନ ନ ହେଲେ ଚାଷୀ ଆନ୍ଦୋଳନ ହେବ ବୋଲି ଚାଷୀ ନେତାମାନେ ଚେତାବନୀ ଦେଇଛନ୍ତି।