ଛାତ୍ରଛାତ୍ରୀଙ୍କ ଦ୍ୱାରା ସ୍କୁଲ ସଫାକଲେ ପ୍ରଧାନ ଶିକ୍ଷୟିତ୍ରୀ
ଢେଙ୍କାନାଳ (ବଡ଼ ଖବର ବ୍ୟୁରୋ): ଢେଙ୍କାନାଳ ଯୋରନ୍ଦା ନୋଡାଲ ଉପ୍ରା ବିଦ୍ୟାଳୟରେ ଛୋଟ ଛୋଟ ବାଳିକାମାନଙ୍କ ହାତରେ ଝାଡୁ ଧରାଇ ସ୍କୁଲ ପରିସରକୁ ସଫା କରାଇଲେ । ଯାହାର ଭିଜୁଆଲ ଏବେ ଭାଇରାଲ ହେବାରେ ଲାଗିଛି । ସ୍କୁଲ ପରିଚାଳନା କମିଟି ଓ ପ୍ରଧାନ ଶିକ୍ଷୟିତ୍ରୀଙ୍କ ତୁ ତୁ ମେଁ ମେଁ ଭିତରେ ବଳି ପଡୁଛି ଛାତ୍ରଛାତ୍ରୀଙ୍କ ଭବିଷ୍ୟତ । ଶୁକ୍ରବାର ଏଥି ନିମନ୍ତେ ସ୍କୁଲ ପରିସରରେ ଏକ ବୈଠକର ଆୟୋଜନ କରାଯାଇଥିଲାା କିନ୍ତୁ ସ୍କୁଲର ପ୍ରଧାନ ଶିକ୍ଷୟିତ୍ରୀ ଭାରତୀ ବେହେରା ବିଭିନ୍ନ ବାହାନା ଦେଖାଇ ବୈଠକକୁ ଆସିନଥିଲୋ ଯେଉଁଥିପାଇଁ ବୈଠକକୁ ବାତିଲ କରାଯାଇଥିଲା ।
ବୈଠକ ବାତିଲ ପରେ ସ୍କୁଲର ସଫେଇ କର୍ମଚାରୀ ଆଉ କାର୍ଯ୍ୟକୁ ନଆସିବାରୁ ସ୍କୁଲ ପରିସର ଅପରିଷ୍କାର ରହିଥିଲା । ସ୍କୁଲର ପ୍ରଧାନ ଶିକ୍ଷୟିତ୍ରୀ ସ୍କୁଲର ଛାତ୍ରଛାତ୍ରୀଙ୍କ ଦ୍ୱାରା ସଫେଇ କରିଥିଲେ । ସ୍କୁଲର ଶିକ୍ଷୟିତ୍ରୀମାନେ ବାରଣ୍ଡାରେ ଛିଡା ହୋଇ ପିଲାମାନଙ୍କ ଦ୍ୱାରା ସଫେଇ କରାଇବା ସହିତ ନିଜେ ଛିଡା ହୋଇ ଏହାର ତଦାରଖ କରୁଥିଲେ । ଏ ସମ୍ପର୍କରେ ଆମେ ସ୍କୁଲ ପ୍ରଧାନ ଶିକ୍ଷୟିତ୍ରୀଙ୍କୁ ଫୋନ ମାଧ୍ୟମରେ ଯୋଗାଯୋଗ କରିଥିଲୁ । ସେ ଖୁବ ସୁନ୍ଦର ଭାବରେ କଥାକୁ ଏଡାଇ ଯାଇଥିଲେ ।