ହେଉଥିଲା ଗୋ ଚାଲାଣ, ଗାଡିରେ ନିଆଁ ଲଗାଇଲେ ଲୋକେ

ସୋରୋ (ବଡ଼ ଖବର ବ୍ୟୁରୋ): ବୋଲେରୋ ଭିତରେ ଗୋ ଚାଲାଣ ବେଳେ ନିଆଁ ଲଗାଇଦେଲେ ଗାଁ ଲୋକେ । ବାଲେଶ୍ୱର ଜିଲ୍ଲା ସୋର ଥାନା କେଦାରପୁର ପଞ୍ଚାୟତ ଘାସୁଆ ଗାଁରେ ବୋଲେରୋ ଜାଳିଦେଲେ ଲୋକେ । ଆଜି ଭୋର ସମୟରେ ଗୋମାଫିଆ ମାନେ ବୋଲେରୋରେ ଗୋ ଚାଲାଣ କରୁଥିଲେ ।

ତେଣୁ ଗାଁ ଲୋକେ ଗୋ ମାତାଙ୍କୁ ବାହାର କରିଦେଇ ଗାଡିଟିକୁ ନିଆଁ ଲଗାଇଦେଇଛନ୍ତି । ତେବେ ଗୋ ମାଫିଆ ମାନେ ଅତି ନିର୍ମମ ଭାବେ ଗୋରୁ ମାନଙ୍କୁ ନେଉଥିଲେ । ତେଣୁ ଗାଁ ଲୋକଙ୍କ ସହିତ ଝଗଡା ହେବା ପରେ ଗୋ ମାଫିଆ ଛତ୍ରଭଙ୍ଗ ଦେଇ ଫେରାର ହୋଇଯାଇଥିଲେ । ପରେ ସ୍ଥାନୀୟଲୋକେ ଉତ୍ୟକ୍ତ ହୋଇ ଗାଡିଟିକୁ ପୋଡି ଦେଇଥିଲେ । ପୋଲିସ ପହଞ୍ଚି ଘଟଣାର ତଦନ୍ତ କରୁଛି ।