ଯେବେ ସିନ୍ଦୂର ବାରୁଦ ହୁଏ….
ରାଜସ୍ଥାନ (ବଡ଼ ଖବର ବ୍ୟୁରୋ): ରାଜସ୍ଥାନ ବିକାନେରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ୨୬ ହଜାର କୋଟିର ପ୍ରକଳ୍ପର ଶିଳାନ୍ୟାସ ଓ ଲୋକାର୍ପଣ କଲେ ମୋଦି । ବିକଶିତ ଭାରତ ଗଠନ ପାଇଁ ଆହ୍ବାନ ଦେଲେ । ପୂର୍ବ, ପଶ୍ଚିମ, ଉତ୍ତର, ଦକ୍ଷିଣ ପ୍ରାନ୍ତର ବିକାଶ ନେଇ ତଥ୍ୟ ରଖିଲେ । ସାରା ଦେଶରେ ୧୩ ଶହ ଷ୍ଟେସନ୍ର ଆଧୁନିକୀକରଣ ହୋଇଛି ବୋଲି ସମ୍ବୋଧନ କରି କହିଲେ । ବିଶେଷକରି ରାଜସ୍ଥାନର ବିକାଶ ନେଇ ବିସ୍ତୃତ ତଥ୍ୟ ରଖିଲେ । ମୋଦି କହିଛନ୍ତି ପିଏମ୍ ସୂର୍ଯ୍ୟଘର ଯୋଜନାରେ ରାଜସ୍ଥାନର ୪୦ ହଜାର ଯୋଡ଼ି ହୋଇଛନ୍ତି । ଏହି ଲୋକମାନଙ୍କର ବିଜୁଳି ଖର୍ଚ୍ଚ ଶୂନ ହୋଇ ସାରିଛି ।
ଖାଲି ସେତିକି ନୁହେଁ ପହଲଗାମ ଆଟାକକୁ ନେଇ ପାକିସ୍ତାନକୁ ସିଧା ନିଶାନା କରିଛନ୍ତି । ସେ କହିଛନ୍ତି ଏପ୍ରିଲ ୨୨ର ଜବାବ ମାତ୍ର ୨୨ ମିନିଟ୍ରେ ଦେଲୁ । ସିନ୍ଦୂର ଯେତେବେଳେ ବାରୁଦ ହୁଏ ପରିଣାମ କଣ ହୁଏ ବିଶ୍ବ ଦେଖିଲା । ୯ଟି ଆତଙ୍କୀ ଆଡ୍ଡାକୁ ଆମେ ସେନା ମାଟିରେ ମିଶାଇ ଦେଲା । ଯେଉଁମାନେ ସିନ୍ଦୂର ଲିଭାଇବାକୁ ଆସିଥିଲେ, ସେମାନେ ମାଟିରେ ମିଶିଲେ । ଖାଲି ସେତିକି ନୁହେଁ ସେ ଆହୁରି ମଧ୍ୟ କହିଛନ୍ତି ୩ ସେନାର ଚକ୍ରବ୍ୟୂହରେ ଫସିଲେ, ବାହାରି ପାରିଲାନି ପାକିସ୍ତାନ ।
ଯେଉଁ ଅସ୍ତ୍ରକୁ ନେଇ ପାକିସ୍ତାନ ଗର୍ବ କରୁଥିଲା, ତାହା କାମ ଦେଲାନି । ଇଏ ହେଉଛି ନୂଆ ଭାରତ, ଏହା ହେଉଛି ଆମର ଶକ୍ତି । ଅପରେସନ ସିନ୍ଦୂର ଆମକୁ ୩ଟି ସୂତ୍ର ଦେଖାଇଛି । ଆତଙ୍କୀ ହମ୍ଲା ହେଲେ କଡ଼ା ଜବାବ ଦିଆଯିବ । ପରମାଣୁ ବୋମାର ବ୍ଲାକମେଲିଂକୁ ଖାତିର କରିବୁ ନାହିଁ । ଆତଙ୍କବାଦୀ କାର୍ଯ୍ୟ ଓ ଏହାର ସମର୍ଥକଙ୍କୁ ଅଲଗା ଦେଖିବୁ ନାହିଁ । ଆଗକୁ ଆତଙ୍କୀ କାର୍ଯ୍ୟ ହେଲେ ପାକିସ୍ତାନ ଆହୁରି ଅଧିକ ମୂଲ୍ୟ ଦେବାକୁ ପଡ଼ିବ ବୋଲି କହିଛନ୍ତି ପ୍ରଧାନମନ୍ତ୍ରୀ ।
