ସ୍ନାନପୂର୍ଣ୍ଣିମାରେ ଶ୍ରୀକ୍ଷେତ୍ରରେ ଗଡିଲା ମୁଣ୍ଡ
ପୁରୀ (ବଡ଼ ଖବର ବ୍ୟୁରୋ): ପୁରୀରେ ଚାଞ୍ଚଲ୍ୟ । ରକ୍ତରେ ଭିଜିଲା ବଡ଼ଦାଣ୍ଡ । ଦେବସ୍ନାନ ପୂର୍ଣ୍ଣମାରେ ଗଡିଲା ବରିଷ୍ଠ ସେବାୟତଙ୍କ ମୁଣ୍ଡ । ଗୋଟିଏ ପଟେ ମହାପ୍ରଭୁଙ୍କ ସ୍ନାନ ଯାତ୍ରା ଚାଲିଥିବା ବେଳେ ଅନ୍ୟପଟେ ୮୩ ବର୍ଷୀୟ ଜଗନ୍ନାଥ ଦୀକ୍ଷିତଙ୍କୁ ଧାରୁଆ ଅସ୍ତ୍ରରେ ହାଣି ହତ୍ୟା କରିଛନ୍ତି ଦୁବୃତ୍ତ । ଗୁଡିଆ ସାହିରେ ଘଟିଛି ଏହି ଜଘନ୍ୟ ହତ୍ୟାକାଣ୍ଡ ।
ପରିବାର ଲୋକେ ଘରେ ନ ଥିବାର ସୁଯୋଗ ନେଇ ହତ୍ୟାକାଣ୍ଡ ଭିଆଇଛନ୍ତି ଦୁବୃତ୍ତ ।
ଟଙ୍କା ନେଣଦେଣକୁ ନେଇ ପଡ଼ୋଶୀ ନାରାୟଣ ପାଟ୍ଟଯୋଶୀଙ୍କ ସହ ଜଗନ୍ନାଥଙ୍କ ପ୍ରବଳ ଯୁକ୍ତିତର୍କ ହୋଇଥିଲା । ପରବର୍ତ୍ତୀ ସମୟରେ ନାରାୟଣ ପଟ୍ଟଯୋଶୀ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ । ଯେଉଥିରେ ଜଗନ୍ନାଥଙ୍କ ପ୍ରାଣବାୟୁ ଉଡି ଯାଇଥିଲା ।ହତ୍ୟାକାଣ୍ଡ ପରେ ଅଭିଯୁକ୍ତ ଘଟଣାସ୍ଥଳରୁ ଫେରାର ହୋଇଯାଇଥିଲା ।
ପରିବାର ଲୋକେ ଆସି ଦେଖିଲା ବେଳକୁ ଘର ଅଗଣା ନିକଟରେ ମୃତ ଦେହ ପଡ଼ିଥିଲା । ଏନେଇ ପୋଲିସକୁ ସୂଚନା ଦିଆ ଯିବା ପରେ ପୋଲିସ ଘଟଣାସ୍ଥଳରେ ପହଞ୍ଚି ମୃତ ଦେହ ଜବତ କରିବା ସହ ସିସିଟିଭି ଫୁଟେଜ ଆଧାରରେ ତଦନ୍ତ ଚଳାଇଛି । ଅଭିଯୁକ୍ତର ଭାଇକୁ ଅଟକ ରଖି ଏନେଇ ପଚରା ଉଚରା କରୁଛି ପୋଲିସ । ତେବେ ଏଠି ସବୁଠୁ ବଡ କଥା ହେଉଛି ସ୍ନାନ ଯାତ୍ରା ପାଇଁ ପୁରୀରେ ୭୦ ରୁ ଅଧିକ ପ୍ଲାଟୁନ ଫୋର୍ସ ମୁତୟନ ଥିବା ବେଳେ ଏତେ ବଡ ଘଟଣା କିଭଳି ଘଟିଲା ।