ନେଇଗଲେ ଲକ୍ଷାଧିକ ଟଙ୍କାର ଅଣ୍ଡା
ସାଲେପୁର (ବଡ଼ ଖବର ବ୍ୟୁରୋ): ବିଳମ୍ବିତ ରାତିରେ ଲକ୍ଷ୍ୟ।ଧିକ ଟଙ୍କାର ଆଣ୍ଡା ଚୋରି ଅଭିଯୋଗ ହୋଇଛି । ବହାଦୁଲାପାଟଣା ଗାଁର ବାବା ସାଇ ଏଗ୍ ଟ୍ରେଡ଼ର୍ସରୁ ପାଖାପାଖି ୧୨୦ପେଟି ଅଣ୍ଡା ଚୋରି ହୋଇଥିବା କୁହାଯାଇଛି । ଏନେଇ ଅଣ୍ଡା ବ୍ୟବସାୟୀ ଅବଦୁଲ ରଜାକ୍ ଜଗତପୁର ଥାନା ଅଧୀନ ପାଗା ଫାଣ୍ଡିରେ ଅଭିଯୋଗ କରିଛନ୍ତି । ଶୁକ୍ରବାର ବିଳମ୍ବିତ ରାତିରେ ଦୋକାନରେ ଆଣ୍ଡା ଥୋଇ ତାଲା ପକାଇ ଘରକୁ ଫେରିଥିଲେ ରଜାକ୍ । ଶନିବାର ଦୋକାନ ଖୋଲିଲା ବେଳକୁ ଦୋକାନର ତାଲାଭଙ୍ଗି ଦୁର୍ବୃତ୍ତମାନେ ୧୨୦ପେଟି ଅଣ୍ଡା ନେଇ ଚମ୍ପଟ ମାରିଛନ୍ତି । ଯାହାର ମୂଲ୍ୟ ୧ଲକ୍ଷ ୨୬ ହଜାର ଟଙ୍କା ହେବ ମାଲିକ ଅବଦୁଲ କହଛନ୍ତି । ଅଭିଯୋଗରେ ପୋଲିସ ତଦନ୍ତ ଆରମ୍ଭ କରିଛି।