ଅଚିହ୍ନା ଶବ ଉଦ୍ଧାର
ବଲାଙ୍ଗୀର (ବଡ଼ ଖବର ବ୍ୟୁରୋ): ବଲାଙ୍ଗିର ଜିଲ୍ଲା ସଇଁତଲା ରେଲୱେ ଷ୍ଟେସନ ନିକଟରେ ଥିବା ଏକ ଗୋଦାମଘରୁ ମହିଳାଙ୍କ ମୃତଦେହ ଉଦ୍ଧାର ହୋଇଛି । ଦୀର୍ଘଦିନ ହେଲା ସଇଁତଲା ରେଲୱେ ଷ୍ଟେସନ ନିକଟ ଏକ ଗୋଦାମଘରେ ମହିଳା ଜଣକ ରହି ଆସୁଥିଲେ। ବାସଗୃହ ନ ଥିବାରୁ ସେ ସେଠାରେ ଆଶ୍ରୟ ନେଇଥିଲେ। ହେଲେ ହଠାତ୍ ତାଙ୍କ କୋଠରୀରୁ ଦୁର୍ଗନ୍ଧ ଆସିଥିଲା । ସ୍ଥାନୀୟ ଲୋକେ ସେଠାକୁ ଯାଇ ଦେଖିଲେ ମହିଳାଙ୍କର ଶବ ପଡିଛି । ଏନେଇ ସଇଁତଲା ପୋଲିସକୁ ସୂଚନା ଦେଇଥିଲେ। ପୋଲିସ ଓ ତହସିଲଦାର ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ କରିବା ପାଇଁ ଟିଟିଲାଗଡ ଡାକ୍ତରଖାନାକୁ ପଠାଇଛନ୍ତି । । ମୃତ ମହିଳାଙ୍କ ପରିଚୟ ମିଳିନାହିଁ । ପୋଲିସ ଅଧିକ ତଦନ୍ତ ଜାରି ରହିଛି।