Masthead

ଜନ୍ମ ବେଦୀକୁ ବିଜେ କରିବେ ମଣିମା

ପୁରୀ (ବଡ଼ ଖବର ବ୍ୟୁରୋ): ଚାଲିଛି ଚତୁର୍ଦ୍ଧାମୂର୍ତ୍ତିଙ୍କ ଜନ୍ମବେଦି ଯାତ୍ରା ଲୀଳା । ଆଜି ଅପରାହ୍ନରେ ଠାକୁରଙ୍କ ପହଣ୍ଡି ଅନୁଷ୍ଠିତ ହେବ। ରଥରୁ ଓହ୍ଲାଇ ଗୋଟି ପହଣ୍ଡିରେ ଚତୁର୍ଦ୍ଧାମୂର୍ତ୍ତି ଆଡ଼ପ ମଣ୍ଡପରେ ବିଜେ କରିବେ। ସୋମବାର ବାହାରିବ ଆଡ଼ପ ଅବଢ଼ା। ଏନେଇ ସମସ୍ତ ପ୍ରକ୍ରିୟା ଶେଷ ପର୍ଯ୍ୟାୟରେ ପହଞ୍ଚିଛି। ଶୁକ୍ରବାର ଶ୍ରୀଗୁଣ୍ଡିଚାରେ ପହୁଡ଼ ହୋଇ ନଥିବାରୁ ରାତି ତମାମ ଲକ୍ଷାଧିକ ଭକ୍ତ ରଥାରୂଢ଼ ଠାକୁରଙ୍କୁ ଦର୍ଶନ କରିଥିଲେ । ସୋମବାରଠୁ ମହାପ୍ରଭୁଙ୍କ ଆଡପ ମଣ୍ଡପ ଦର୍ଶନ ସୁଯୋଗ ପାଇବେ ଭକ୍ତ ।

ଏନେଇ ଶ୍ରୀଗୁଣ୍ଡିଚା ମନ୍ଦିରରେ ବେଶ ଭିଡ ଜମିଛି ଶ୍ରଦ୍ଧାଳୁଙ୍କର । ଦୁଇ ଦିନ ହେବ ରଥାରୁଢ ରହିବା ପରେ ଶ୍ରୀଜିଉ ଆଜି ବିଜେ କରିବେ ଆଡପମଣ୍ଡପକୁ। ସଂନ୍ଧ୍ୟା ଧୁପ ପରେ ଫିଟାଯିବ ଘୋଡା। ତାପରେ ରଥରେ ଚାରମାଳ ବନ୍ଧାଯାଇଥିବା ବେଳେ ସେପଟେ କୋଠ ସୁଆଁସିଆ ସେବକମାନେ ଆଡପ ମଣ୍ଡପ ସିଂହାସନରେ ଚାର ବାନ୍ଧିବେ । ପ୍ରଥମେ ପୁଷ୍ପାଞ୍ଜଳୀ ହୋଇ ପ୍ରଥମେ ମଦନ ମୋହନ ଓ ରାମକୃଷ୍ଣଙ୍କୁ ପହଣ୍ଡି କରାଯିବ । ତା ପରେ ସୁଦର୍ଶନ ପହଣ୍ଡି ହେବେ ।

ଏହାପରେ ବଳଭଦ୍ର, ସୁଭଦ୍ରା ଓ ଜଗନ୍ନାଥଙ୍କୁ ଗୋଟି ପହଣ୍ଡିରେ ଯିବେ। ମହାପ୍ରଭୁଙ୍କର ପହଣ୍ଡି ପାଇଁ ଶ୍ରୀମନ୍ଦିର ପ୍ରଶାସନ ପକ୍ଷରୁ ଦଇତାପତି ସେବାୟତଙ୍କ ସହ ସମନ୍ୱୟ ରଖାଯାଇଛି । ସେନଇ ପ୍ରଶାସନିକ ସ୍ତରରେ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି । ପହଣ୍ଡି ସମୟରେ ଅତ୍ୟଧିକ ଭକ୍ତଙ୍କ ସମାଗମକୁ ଦୃଷ୍ଟିରେ ରଖି ପୁଲିସ ବ୍ୟବସ୍ଥା କଡାକଡି କରାଯାଇଛି । ଭିତର ଓ ବାହାର କର୍ଡନ କରାଯାଇ ପହଣ୍ଡି କରାଯିବା ସହିତ ରଥଚାରିପଟେ ସ୍ୱତନ୍ତ୍ର ପୁଲିସଙ୍କ ସମେତ ସାଧା ପୋଷାକଧାରୀ ପୁଲିସ ମୁତୟନ ରହିବେ। ପହଣ୍ଡି ଦେଖିବା ପାଇଁ ଶ୍ରଦ୍ଧାଳୁଙ୍କର ବେଶ ଭିଡ ଜମିଛି ।

ଆଗକୁ ପଢନ୍ତୁ
ବ୍ରେକିଙ୍ଗ୍ ନ୍ୟୁଜ୍
🔴 ୩ ଘଣ୍ଟା ପାଇଁ ୯ ଜିଲ୍ଲାକୁ ୟେଲୋ ୱାର୍ଣ୍ଣିଂ 🔴 ୩ରେ ଶ୍ରୀମନ୍ଦିର ପରିଚାଳନା କମିଟି ବୈଠକ 🔴 କମିଛି ବନ୍ୟାଜଳ, ବଢିଛି ବନ୍ୟା ବିପନ୍ନଙ୍କ ଦୁର୍ଦ୍ଦଶା 🔴 ପେଟ୍ରୋଲ ଢାଳି ଜଳିଗଲେ ଆଇନଜୀବୀ 🔴 ୩୧ରୁ ପୁଣି ବଢ଼ିବ ବର୍ଷା 🔴 ୩୦ ହାର୍ଡକୋର ମାଓବାଦୀଙ୍କ ଆତ୍ମସମର୍ପଣ 🔴 ପୁଣି ଶ୍ରୀମନ୍ଦିର ଉପରେ ଉଡ଼ିଲା ଡ୍ରୋନ୍ 🔴 ଜୁହାର୍ , ଆଜି ନୂଆଁଖାଇ ତିହାର 🔴 ଆଜି ବିରାଜିବେ ବିଘ୍ନ ବିନାଶକ 🔴 ଜମ୍ମୁ କାଶ୍ମୀରରେ ବୈଷ୍ଣୋ ଦେବୀ ଯାତ୍ରା ବେଳେ ଭୂସ୍ଖଳନ, ୩୧ ମୃତ 🔴 ୩ ଘଣ୍ଟା ପାଇଁ ୯ ଜିଲ୍ଲାକୁ ୟେଲୋ ୱାର୍ଣ୍ଣିଂ 🔴 ୩ରେ ଶ୍ରୀମନ୍ଦିର ପରିଚାଳନା କମିଟି ବୈଠକ 🔴 କମିଛି ବନ୍ୟାଜଳ, ବଢିଛି ବନ୍ୟା ବିପନ୍ନଙ୍କ ଦୁର୍ଦ୍ଦଶା 🔴 ପେଟ୍ରୋଲ ଢାଳି ଜଳିଗଲେ ଆଇନଜୀବୀ 🔴 ୩୧ରୁ ପୁଣି ବଢ଼ିବ ବର୍ଷା 🔴 ୩୦ ହାର୍ଡକୋର ମାଓବାଦୀଙ୍କ ଆତ୍ମସମର୍ପଣ 🔴 ପୁଣି ଶ୍ରୀମନ୍ଦିର ଉପରେ ଉଡ଼ିଲା ଡ୍ରୋନ୍ 🔴 ଜୁହାର୍ , ଆଜି ନୂଆଁଖାଇ ତିହାର 🔴 ଆଜି ବିରାଜିବେ ବିଘ୍ନ ବିନାଶକ 🔴 ଜମ୍ମୁ କାଶ୍ମୀରରେ ବୈଷ୍ଣୋ ଦେବୀ ଯାତ୍ରା ବେଳେ ଭୂସ୍ଖଳନ, ୩୧ ମୃତ