ପୁଣି କରଞ୍ଜିଆରେ ହାତୀ ଭୟ

କରଞ୍ଜିଆ (ବଡ଼ ଖବର ବ୍ୟୁରୋ): ପୁଣି କରଞ୍ଜିଆରେ ହାତୀ ଭୟ । କିଛି ଦିନ ବ୍ୟବଧାନ ପରେ ପୁଣି ୩୦ ଟିକିଆ ହାତୀପଲ କରଞ୍ଜିଆ ରେଞ୍ଜକୁ ଫେରିଛନ୍ତି । ହାତୀପଲ ପାଇଁ ୩୦ ରୁ ଅଧିକ ଗାଁ ରେ ଲାଗି ରହିଛି ହାତୀ ଆତଙ୍କ । ଗତକାଲି ବିଳମ୍ବିତ ରାତ୍ରରେ କେନ୍ଦୁଝର ଜିଲ୍ଲାର ସାହରପଡା ବ୍ଲକ ଦେଇ ମୟୂରଭଞ୍ଜ ଜିଲ୍ଲାର କରଞ୍ଜିଆ ରେଞ୍ଜରେ ହାତୀପଲ ପ୍ରବେଶ କରିଛନ୍ତି ।

ଏବେ ହାତୀପଲ ବଡ଼ ଦେଉଳି ଜଙ୍ଗଲରେ ଥିବାର ସୂଚନା ମିଳିଛି । ୩୦ ଟିକିଆ ହାତୀ ପଲକୁ ସୁରକ୍ଷା ଦେବା ପାଇଁ ବନ ବିଭାଗ କର୍ମଚାରୀ ମୁତୟନ ହେଇଛନ୍ତି । ବଡ଼ ଦେଉଳି ଅଞ୍ଚଳରେ ଜଣକ ପାଚରି ଭାଙ୍ଗିଥିବା ବେଳେ କରଞ୍ଜିଆ ଚଢେଇ ଭୋଳ ରାସ୍ତା ଅବରୋଧ କରିଛନ୍ତି ହାତୀ ପଲ।