ସମ୍ବଲପୁରରେ ଶୀତଳଷଷ୍ଠୀର ଧୁମ୍

ସମ୍ବଲପୁର (ବଡ ଖବର ବୁ୍ୟରୋ): ଆଜି ଦେବ ଦମ୍ପତ୍ତିଙ୍କ ବିବାହ ଉତ୍ସର୍ଗ । ସମ୍ବଲପୁରର ଶୀତଳ ଷଷ୍ଠୀ ଯାତ୍ରାର ବହୁ ପ୍ରତିକ୍ଷିପ୍ତ ମୂହୁର୍ତ୍ତ ହେଉଛି ଶିବ ବିବାହ । ଆଜି ମହାଦେବ ଓ ମାଆ ପାର୍ବତୀଙ୍କ ବିବାହ ଉତ୍ସବ ଅନୁଷ୍ଠିତ ହେବ । ଭବ୍ୟ ବରଯାତ୍ରା ଲୋକନୃତ୍ୟ ରୋଷଣି ଓ ସଂଗିତର ତାଳେ ତାଳେ ଝୁମିବ ସମ୍ବଲପୁର । ଆଜି ରାତିରେ ସମ୍ବଲପୁରର ବିଭିନ୍ନ ଶିବାଳୟରୁ ବର ବେଶରେ ସଜିତ ହୋଇ ବାହାରିବେ ଭୋଳା ବାବା । ବନ୍ଦାପର୍ଣ୍ଣା ଓ ଆଳତି ପରେ ସ୍ୱର୍ଣ୍ଣ ଓ ରୂପା ଅଳଙ୍କାରରେ ଭୂଷିତ ହୋଇ ବିମାନରେ ବିରାଜମାନ କରିବେ ମହାଦେବ । କଳାକାରଙ୍କ ଗୀତ, ନୃତ୍ୟ,ବାଜା,ବାଣ ଓ ରୋଷଣୀରେ ଝଲସିବ ବିବାହ ଶୋଭା ଯାତ୍ରା । କନ୍ୟା ଘରେ ପହଞ୍ଚିବା ପରେ ବୈଦିକ ରିତିନିତୀ ଅନୁସାରେ ବରଯାତ୍ରୀଙ୍କୁ ସ୍ୱାଗତ କରାଯିବ । ପରେ ସମସ୍ତ ଲୋକାଚାର ଓ ବୈଦିକ ବିଧି ଅନୁସାରେ ମହାଦେବ ଓ ଦେବୀ ପାର୍ବତୀଙ୍କ ଦିବ୍ୟ ବିବାହ ସଂପର୍ଣ୍ଣ ହେବ । ଏହା ପୂର୍ବରୁ ଗତକାଲି ସରିଛି ହନୁମାନ ନିୟୁତା ଓ ସାକ୍ଷୀ ଗୋପିନାଥ ନିୟନ୍ତ୍ରଣ ।