ଚଳିତ ବର୍ଷ ପଞ୍ଚାୟତ ନିର୍ବାଚନରେ ହୋଇପାରେ ବିଳମ୍ବ

ଭୁବନେଶ୍ୱର(ବଡ଼ ଖବର ବ୍ୟୁରୋ): ପଞ୍ଚାୟତ ନିର୍ବାଚନ କୁ ନେଇ ନିର୍ବାଚନ କମିସନର ସଚିବ ସନ୍ତୋଷ ଦାସଙ୍କ ବଡ ସୂଚନା । ବିଳମ୍ବ ହୋଇପାରେ ପଞ୍ଚାୟତ ନିର୍ବାଚନ । ସୂଚନା ଅନୁସାରେ, ମାର୍ଚ୍ଚ ପ୍ରଥମରୁ ଜନଗଣନା ଶେଷ ପରେ ପ୍ରକାଶ ପାଇଯିବ ବିଜ୍ଞପ୍ତି ନିର୍ବାଚନ ନୋଟିସ୍ । ଏହା ସହ ପ୍ରଥମଥର ପାଇଁ ଡୋର ଟୁ ଡୋର ସର୍ଭେ କରି  ବୁଥ୍ ୱାଇଜ ଭୋଟର ତାଲିକା କରାଯିବା ପାଇଁ ପ୍ରସ୍ତୁତ କରାଯାଉଛି । ଏନେଇ ନିର୍ବାଚନ ପ୍ରସ୍ତୁତି ଜୋରଦାର ହୋଇଛି । ମାର୍ଚ୍ଚ ୨୦୨୭ ରେ ଜନଗଣନା କାମ ସରିବା ପରେ ଏପ୍ରିଲ୍ ଏବଂ ମେ ରେ ପଞ୍ଚାୟତ ନିର୍ବାଚନ ହୋଇପାରେ । ଅଥାର୍ତ, ବର୍ଷା ପୂର୍ବରୁ ରାଜ୍ୟରେ ହୋଇଯାଇପାରେ ନିର୍ବାଚନ । ଏହା ପରେ ଜୁନ୍ ସୁଦ୍ଧା ନିର୍ବାଚନ ପ୍ରକ୍ରିୟା ଶେଷ କରିବାକୁ ପ୍ରସ୍ତୁତି ଚାଲିଛି ।

ରାଜ୍ୟ ସରକାର ନିର୍ବାଚନ ପ୍ରସ୍ତୁତିକୁ ନେଇ ପୂର୍ବରୁ ଆରଡିସି ଓ ସମସ୍ତ ଜିଲ୍ଲାପାଳଙ୍କ ସହ ବୈଠକ କରିସାରିଛନ୍ତି । ଆସନ୍ତା ୨୧ ତାରିଖରେ ପୁଣି ଥରେ ଆଭାସୀ ମାଧ୍ୟମରେ ଏକ ସମୀକ୍ଷା ବୈଠକ ବସିବ । ଏଥିରେ ନିର୍ବାଚନ ବିଭିନ୍ନ ପ୍ରସ୍ତୁତି ଓ କାର୍ଯ୍ୟଯୋଜନା ଉପରେ ଆଲୋଚନା ହେବ । ଚଳିତ ଥରର ନିର୍ବାଚନରେ ଆଉ ଏକ ବଡ ପରିବର୍ତ୍ତନ ଦେଖିବାକୁ ମିଳିବ । ଏହାସହ “ଆମ ବୁଥ୍”, ଆମ ବାରି ଅଭିଯାନ ମାଧ୍ୟମରେ ପ୍ରତ୍ୟେକ ବୁଥ୍ ଭୋଟରଙ୍କ ସୂଚନା ସଂଗ୍ରହ କରାଯିବ ।