ବିଜୟଙ୍କ ଛାଡ଼ପତ୍ର ମାମଲାରେ ବଡ଼ ଟ୍ୱିଷ୍ଟ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ତାମିଲନାଡୁ ମୁଖ୍ୟମନ୍ତ୍ରୀ ବିଜୟଙ୍କ ଛାଡ଼ପତ୍ର ମାମଲାରେ ବଡ଼ ଟ୍ୱିଷ୍ଟ । ହେବ ନାହିଁ ବିଜୟ ଥାଲାପତିଙ୍କ ଛାଡପତ୍ର । ପତ୍ନୀ ସଙ୍ଗୀତା ଆବେଦନ ପ୍ରତ୍ୟାହାର କରିବା ସହ କୋର୍ଟ ମାମଲାକୁ ଖାରଜ କରିଦେଇଛନ୍ତି। ଉଭୟଙ୍କ ସମ୍ପର୍କକୁ ନେଇ ଦୀର୍ଘ ସମୟ ଧରି ଚର୍ଚ୍ଚା ଚାଲିଥିଲା। ୨୭ ବର୍ଷର ପୁରୁଣା ସମ୍ପର୍କ ଭାଙ୍ଗିବାର ସ୍ଥିତିରେ ପହଞ୍ଚିଥିଲା। ସୂଚନା ଅନୁସାରେ, ସଙ୍ଗୀତା ପୂର୍ବରୁ ବିବାହ ବିଚ୍ଛେଦ ପାଇଁ ଚେଙ୍ଗାଲପଟୁ ପରିବାର ଅଦାଲତରେ ଆବେଦନ କରିଥିଲେ। ଏହି ଖବର ସାମ୍ନାକୁ ଆସିବା ପରେ ରାଜନୈତିକ ମହଲ ସହ ସୋସିଆଲ ମିଡିଆରେ ମଧ୍ୟ ବିଭିନ୍ନ ଚର୍ଚ୍ଚା ଆରମ୍ଭ ହୋଇଥିଲା। ଛାଡ଼ପତ୍ର ଆବେଦନ ସମୟରେ ଅର୍ଥାତ୍ ଏହି ଆବେଦନରେ ଉଲ୍ଲେଖ କରାଯାଇଥିଲା ଯେ, ୨୦୨୧ ମସିହା ଏପ୍ରିଲରେ ସଙ୍ଗୀତାଙ୍କୁ ଜଣାପଡ଼ିଥିଲା ଯେ ବିଜୟ ଜଣେ ଅଭିନେତ୍ରୀଙ୍କ ସହ ସମ୍ପର୍କରେ ଅଛନ୍ତି। ଏହି ଖୁଲାସା ପରେ ସଙ୍ଗୀତାଙ୍କୁ ଗଭୀର ଆଘାତ ଲାଗିଥିଲା।

ସଙ୍ଗୀତା ଅଭିଯୋଗ କରିଥିଲେ ଯେ, ବିଜୟ ସର୍ବସାଧାରଣରେ ମଧ୍ୟ ସେହି ଅଭିନେତ୍ରୀଙ୍କ ସହ ମିଳାମିଶା ଜାରି ରଖିଥିଲେ। ଏହି କାରଣରୁ ତାଙ୍କୁ ନିଜ ପିଲାମାନଙ୍କ ସାମ୍ନାରେ ଲଜ୍ଜିତ ହେବାକୁ ପଡ଼ିଥିଲା ବୋଲି ସେ ଅଭିଯୋଗ କରିଥିଲେ। ତେବେ ମାମଲାର ଶୁଣାଣି ପୂର୍ବରୁ ସେ ନିଜ ଆବେଦନ ପ୍ରତ୍ୟାହାର କରିବାକୁ କୋର୍ଟଙ୍କୁ ଅବଗତ କରାଇଥିଲେ। ଆବେଦନ ପ୍ରତ୍ୟାହାର ପରେ କୋର୍ଟ ଏହି ଛାଡ଼ପତ୍ର ମାମଲାକୁ ବନ୍ଦ କରିଦେଇଛନ୍ତି। ଏହି ଖବର ସାମ୍ନାକୁ ଆସିବା ପରେ ବିଜୟଙ୍କ ପ୍ରଶଂସକମାନେ ମଧ୍ୟ ଆଶ୍ୱସ୍ତିର ନିଶ୍ୱାସ ନେଇଛନ୍ତି। ତେବେ ଛାଡ଼ପତ୍ର ଆବେଦନ ପ୍ରତ୍ୟାହାର କରିବାର ପଛରେ କୌଣସି ନିର୍ଦ୍ଦିଷ୍ଟ କାରଣ ସାମ୍ନାକୁ ଆସିନାହିଁ। ବିଜୟ କିମ୍ବା ସଙ୍ଗୀତାଙ୍କ ପକ୍ଷରୁ ମଧ୍ୟ ଏନେଇ କୌଣସି ଆଧିକାରିକ ବୟାନ ଜାରି କରାଯାଇନାହିଁ।