![](https://i0.wp.com/badakhabar.in/wp-content/uploads/2020/10/20201011_134905-scaled.jpg?fit=2560%2C1440&ssl=1)
ଜଳେଶ୍ୱର (ବଡ଼ ଖବର ବ୍ୟୁରୋ): ଆଇନର ରକ୍ଷକ ପୋଲିସ ସହ ପବ୍ଳିକର ଧସ୍ତାଧସ୍ତି । ବାଲେଶ୍ୱର ଜିଲ୍ଲା ଜଳେଶ୍ୱର ଥାନା ସମ୍ମୁଖରେ ମାସ୍କ ଏବଂ ହେଲମେଣ୍ଟ ଚେକିଂ ହେଉଥିବା ବେଳେ ଘଟିଛି ଏଭଳି ଅଭାବନୀୟ ଘଟଣା । ଜଳେଶ୍ୱର ପୋଲିସ ପକ୍ଷରୁ ଥାନା ସାମନାରେ ହେଲମେଣ୍ଟ ଓ ମାସ୍କ ଚେକିଂ ହେଉଥିଲା । କିଛି ଅମାନିଆଙ୍କ ସହ ପୋଲିସର ଯୁକ୍ତିତର୍କ ହୋଇଥିଲା । ଯୁକ୍ତିତର୍କ ଏତେ ପରିମାଣରେ ବଢ଼ିଯାଇଥିଲା କି ଶେଷରେ ପୋଲିସ ସହ ଅମାନିଆଙ୍କ ଧସ୍ତା ଧସ୍ତି ପର୍ଯ୍ୟନ୍ତ କଥା ଯାଇଥିଲା ।
ଉକ୍ତ ଘଟଣାରେ ଜଣେ ପୋଲିସ କର୍ମଚାରୀ ଆହତ ହୋଇଛନ୍ତି । ତାଙ୍କୁ ଜଳେଶ୍ୱର ମେଡିକାଲରେ ଭର୍ତ୍ତି କରାଯାଇଛି ।ଧସ୍ତା ଧସ୍ତି ପରେ ଫେରାର ହୋଇ ଯାଉଥିବା ୨ଜଣଙ୍କୁ ଅଟକ ରଖିଛି ପୋଲିସ । ଅଟକ ଦୁଇଜଣ ହେଲେ ଜଳେଶ୍ୱର ଥାନା ଅଞ୍ଚଳର ଭାଗବତ ପରିଡ଼ାଙ୍କ ପୁଅ ଜୟନାରାୟଣଟ ପରିଡ଼ା ଓ ସେକ ରୁପଚାନ୍ଦଙ୍କ ପୁଅ ସେକ ଗୋଲାମ ମହିମୁଦିନ । ସେପଟେ ଉକ୍ତ ଘଟଣାରେ ସମ୍ପୃକ୍ତ ଥିବା ମୁଖ୍ୟ ଆଶିଷ ଗିରି ଫେରାର ହୋଇଯାଇଛି । ପୋଲିସ ଏକ କେସ ରୁଜୁ କରିଛି ।