ରାୟଗଡ଼ାରେ ଜିରୋ ପଜିଟିଭ୍

ରାୟଗଡ଼ା(ବଡ଼ ଖବର ବ୍ୟୁରୋ): ୨୪ ଘଣ୍ଟା ମଧ୍ୟରେ ରାୟଗଡ଼ା ଜିଲ୍ଲାରେ କରୋନା ଆକ୍ରାନ୍ତଙ୍କ ସଂଖ୍ୟା ଶୂନ ରହିଛି । ଦୀର୍ଘ ୬ମାସର ସଂଘର୍ଷ ପରେ ଜିଲ୍ଲାରେ କେହି ପଜେଟିଭ ନଥିବା ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ ସୂଚନା ମିଳିଛି । କୌଣସି ଚିକିତ୍ସାଳୟରେ ଜିଲ୍ଲାର ଜଣେ ହେଲେ ଆକ୍ରାନ୍ତ ଚିକିତ୍ସାଧୀନ ନ ଥିବା ଶୁକ୍ରବାର ଜିଲ୍ଲା ପ୍ରଶାସନ ସ୍ପଷ୍ଟ କରିଛି । ସେପଟେ ରାଜ୍ୟର ଶେଷ ଜିଲ୍ଲା ହିସାବରେ ରାୟଗଡ଼ାରେ ମଧ୍ୟ କରୋନା ଆକ୍ରାନ୍ତ ଚିହ୍ନଟ ହୋଇଥିଲା । ଏବେ ଜିଲ୍ଲାର ଆକ୍ରାନ୍ତ ସଂଖ୍ୟ ଶୂନ ରହିଛି ।

ଜୁନ ୨ରେ ଜଣେ ଦିଲ୍ଲୀ ଫେରନ୍ତା ଯୁବତୀଙ୍କ ପ୍ରଥମେ ପଜିଟିଭ୍ ଚିହ୍ନଟ ହୋଇଥିଲେ । ଧୀରେ ଧୀରେ ଜିଲ୍ଲାରେ ବ୍ୟାପିବାରେ ଲାଗିଥିଲା ଭାଇରସ । ଦିନକୁ ପାଞ୍ଚ ଶହରୁ ଅଧିକ ଆକ୍ରାନ୍ତ ମଧ୍ୟ ଚିହ୍ନ ହୋଇଛନ୍ତି । ଦୀର୍ଘ ୬ମାସ କରୋନାକୁ ନେଇ ସଚେତନର ବର୍ତ୍ତା ଦେବାସହ ଲୋକଙ୍କୁ ନିୟନ୍ତ୍ରଣ କରିବା ପାଇଁ ପୁଲିସ ଅକ୍ଲାନ୍ତ ପରିଶ୍ରମ କରିଥିଲା । ଯାହା ଏବେ ଫଳପ୍ରଦ ହୋଇଛି । ଗୁରୁବାର ୮୮୮ଜଣଙ୍କ ନମୁନା ପରୀକ୍ଷା କରାଯାଇଥିଲା । ସମସ୍ତଙ୍କ ରିପୋର୍ଟ ନେଗେଟିଭ୍ ରହିଥିବା ଜିଲ୍ଲାପାଳ କହିଛନ୍ତି । ଜିଲ୍ଲାରେ ଥିବା କୋଭିଡ୍ ହସ୍ପିଟାଲରେ ଏବେ କେହି ବି ଆକ୍ରାନ୍ତ ନାହାନ୍ତି । ସଭିଏଁ ସତର୍କତା ଅବଲମ୍ବନ କରନ୍ତୁ ଓ ଜିଲ୍ଲାକୁ ଏମିତି କରୋନାମୁକ୍ତ ରଖିବାକୁ ଜିଲ୍ଲାବାସୀଙ୍କୁ ନିବେଦନ କରିଛନ୍ତି ଜିଲ୍ଲାପାଳ ।