ଦଶରଥପୁର(ବଡ଼ ଖବର ବ୍ୟୁରୋ) : ଧସିଲା ବୈତରଣୀ ନଦୀବନ୍ଧ । ଅତି ନିମ୍ନମାନର କାମ ଯୋଗୁଁ ବିନା ବର୍ଷା ଓ ବନ୍ୟାରେ ୨୦୦ ଫୁଟର ବନ୍ଧ ଧସି ବୈତରଣୀ ନଦୀ ଗର୍ଭରେ ଲୀନ ହୋଇଛି । ନଦୀବନ୍ଧର ସୁଦୃଢ଼ୀକରଣ ପାଇଁ ସରକାର କୋଟି କୋଟି ଟଙ୍କା ରାଜ୍ୟ ରାଜକୋଷରୁ ଖର୍ଚ୍ଚ କରୁଛନ୍ତି । ବାସ୍ତବରେ ତାହା ଠିକ୍ ଭାବେ କାର୍ଯ୍ୟ ହୋଇପାରୁନାହିଁ । ପ୍ରତ୍ୟେକ ବର୍ଷ ବୈତରଣୀରେ ବନ୍ୟା ଆସିଲେ ଦଶରଥପୁର ଅଞ୍ଚଳରେ ନଦୀବନ୍ଧରେ ଘାଇ ସୃଷ୍ଟି ହୋଇ ବହୁ ଧନଜୀବନ ବିପନ୍ନ ହେଉଛି ।
ପ୍ରଶାସନ ଅଧିକାରୀଙ୍କ ପ୍ରୋତ୍ସାହନରେ ଠିକାଦାର ନିମ୍ନମାନର କାମ କରି ସରକାରୀ ଅର୍ଥକୁ ହରିଲୁଟ କରୁଛନ୍ତି । ଏହିଭଳି ଘଟଣା ଘଟିଛି ଯାଜପୁର ଜିଲ୍ଲା ଦଶରଥପୁର ବ୍ଲକ ଦୁଦୁରାଅଣ୍ଟା ପଞ୍ଚାୟତର କୁଅଁରସାହି ଗାଁ ନିକଟରେ । ବନ୍ଧର ଉଭୟ ପାର୍ଶ୍ଵରେ ପଥର ପ୍ୟାକିଙ୍ଗ ହେବା ସହ ବନ୍ଧ ନିର୍ମାଣ ସମୟରେ ଠିକ ଭାବେ ରୋଲିଙ୍ଗ କରାଯାଉନାହଁ । ନିର୍ମାଣ ସମୟରେ ବିଭାଗୀୟ ଅଧିକାରୀ ଉପସ୍ଥିତ ରହୁନଥିବାରୁ ଠିକାଦାରମାନେ ଅତି ନିମ୍ନମାନର କାମ କରି ସରକାରୀ ଅର୍ଥକୁ ହରିଲୁଟ କରୁଛନ୍ତି । ଯାହାଫଳରେ ତଳିଆ ଅଞ୍ଚଳ ଲଚଙ୍କ ପାଇଁ ବିପଦ ଘନେଇ ଆସୁଛି ।
