ଭଦ୍ରକ(ବଡ଼ ଖବର ବ୍ୟୁରୋ): ମହାନ୍ ସ୍ୱାଧୀନତା ସଂଗ୍ରାମୀ ସହୀଦ ଭଗତ ସିଂଙ୍କ ୧୧୬ ତମ ଜନ୍ମ ଜୟନ୍ତୀ ଅବସରରେ ଆଜି ଭଦ୍ରକରେ ସହିଦ ଭଗତ ସେନାର ଆବାହକ ସିତାଂଶୁ ଶେଖର ମହାପାତ୍ର ଙ୍କ ତତ୍ୱାବଧାନରେ ନେହେରୁ ଷ୍ଟାଡିୟମ୍ ରୁ ବାହାରି ସହର ପରିକ୍ରମା କରି ବସ ଷ୍ଟାଣ୍ଡ ନିକଟରେ ଏକ ସଭା କାର୍ଯ୍ୟ ଅନୁଷ୍ଠିତ ହୋଇଥିଲା। ସହିଦ ଭଗତ ସେନାର ଆବାହକ ସିତାଂଶୁ ଶେଖର ମହାପାତ୍ର ଭଦ୍ରକରେ ବିଭିନ୍ନ ସମୟରେ ଅସହାୟ ମାନଂକୁ ସାହାଯ୍ୟର ହାତ ବଢ଼ାଇ ଥାନ୍ତି। ଆଜି ସହିଦ ଭଗତ ସିଂଙ୍କ ୧୧୬ ତମ ଜନ୍ମ ଜୟନ୍ତୀ ଅବସରରେ ୨୦୦୦ରୁ ଉର୍ଦ୍ଧ ବାଇକ୍ ରେ ରାଲି ବାହାରି ସହିଦ ଭଗତସିଂଙ୍କୁ ରାଷ୍ଟ୍ର ପୁତ୍ର ମାନ୍ୟତା ପ୍ରଦାନ ପାଇଁ ନାରା ଦେବା ସହ, ଭଦ୍ରକ କଲେଜକୁ ବିଶ୍ୱବିଦ୍ୟାଳୟରେ ପରିଣତ କରିବା ଦାବିରେ ନାରା ଦେଇଥିଲେ ।
