କେନ୍ଦ୍ରାପଡା ବଜରଙ୍ଗ ଦଳ ପକ୍ଷରୁ ବିଶାଳ ହିନ୍ଦୁ ଏକତା ଶୋଭାଯାତ୍ରା

କେନ୍ଦ୍ରାପଡା (ବଡ଼ ଖବର ବ୍ୟୁରୋ):ଆଜି ପଣାସଂକ୍ରାନ୍ତି ତଥା ହନୁମାନ ଜୟନ୍ତୀ । ହୁନୁମାନ ଜୟନ୍ତୀ ପାଇଁ ଉସବମୁଖର ସାରା ଓଡ଼ିଶା । ଏହି ଅବସରରେ ସମସ୍ତ ମନ୍ଦିରରେ ହେଉଛି ସ୍ୱତନ୍ତ୍ର ନୀତିକାନ୍ତି । ଶ୍ରୀମନ୍ଦିରରେ ମଧ୍ୟ ହୋଇଛି ସ୍ୱତନ୍ତ୍ର ନୀତିକାନ୍ତି । ସକାଳ ଧୂପ ନୀତି ପରେ ଦକ୍ଷିଣ ଘରେ ଥିବା ଶ୍ରୀହନୁମାନଙ୍କୁ ରତ୍ନ ସିଂହାସନକୁ ଅଣାଯାଇ ଆଜ୍ଞାମାଳ ପ୍ରଦାନ କରାଯାଇଥିଲା। ପରେ ମୁକ୍ତିମଣ୍ଡପ ତଳେ ଥିବା ବିମାନରେ ବସାଇ ବିଜେ କରାଯାଇଥିଲା । ସେହିପରି ପାଟଣାଗଡ ବଜରଙ୍ଗ ଦଳ ତରଫରୁ ଧୁମଧାମରେ ପାଳନ କରାଯାଇଛି ହନୁମାନ ଜୟନ୍ତୀ । ଏହି ଅବସରରେ ବଜରଙ୍ଗ ଦଳ ତରଫରୁ ବ୍ରହ୍ମପୁରା ବଳଦେବ ମନ୍ଦିର ଠାରେ ସାମୂହିକ ହନୁମାନ ଚାଳିସା ପାଠନ ପରେ ପର୍ଶୁରାମ ଛକ ଠାରୁ ପଂଚମୁଖୀ ହନୁମାନ ମନ୍ଦିର ପର୍ୟ୍ୟନ୍ତ ଏକ ବିରାଟ ଶୋଭାଯାତ୍ରା କରାଯାଇଥିଲା ।

ସେପଟେ ଜୟଶ୍ରୀରାମ ନାରାରେ କମ୍ପିଛି କେନ୍ଦ୍ରାପଡା ଓ ନିମାପଡା । କେନ୍ଦ୍ରାପଡା ବଜରଙ୍ଗ ଦଳ ପକ୍ଷରୁ ବିଶାଳ ହିନ୍ଦୁ ଏକତା ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ନିମାପଡ଼ା ନୂଆ ବସଷ୍ଟାଣ୍ଡ ଠାରୁ ପାଟପୁର କାଳୀ ମନ୍ଦିର ଓ ଯାତ୍ରା ଚାରିଛକ ମହାବୀର ମନ୍ଦିର ଠାରୁ ନୟାହାଟ ପର୍ୟ୍ୟନ୍ତ ଶୋଭାଯାତ୍ରା ହୋଇଥିଲା ।