ଭାରତରେ ନୂଆ ଷ୍ଟ୍ରେନ୍ ଚିହ୍ନଟ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ବ୍ରିଟେନରେ କରୋନାର ନୂଆ ଷ୍ଟ୍ରେନ୍ ଆତଙ୍କ ଖେଳାଇଥିବା ବେଳେ ଏବେ ଭାରତରେ ୬ ବ୍ରିଟେନ୍ ଫେରନ୍ତାଙ୍କ ମଧ୍ୟରେ ନୂଆ ଷ୍ଟ୍ରେନ୍ ଚିହ୍ନଟ ହୋଇଛି । ୬ ବ୍ରିଟେନ୍ ଫେରନ୍ତା କରୋନାର ନୂଆ ଷ୍ଟ୍ରେନରେ ଆକ୍ରାନ୍ତ ହୋଇଛନ୍ତି । ଏନେଇ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି । ୨୮ ଦିନରେ ବ୍ରିଟେନରୁ ଭାରତକୁ ୩୩ ହଜାର ଯାତ୍ରୀ ଫେରିଥିବା କୁହାଯାଇଛି ।
୬ ଆକ୍ରାନ୍ତଙ୍କୁ ଆଇସୋଲେସନରେ ରଖାଯିବ । ଦେଶର ୩ଟି ଲ୍ୟାବରେ ପରୀକ୍ଷଣ ପରେ ଏହା ସ୍ପଷ୍ଟ କରାଯାଇଛି । ବାଙ୍ଗାଲୁରୁ ଲ୍ୟାବରୁ ୩, ହାଇଦ୍ରାବାଦ ଲ୍ୟାବରୁ ୨ ଓ ପୁଣେ ରୁ ଜଣେ ଚିହ୍ନଟ ହୋଇଛନ୍ତି । କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପରିସ୍ଥିତି ଉପରେ ନଜର ରଖିଥିବା କୁହାଯାଇଛି ।