ରଖେ ହରି ମାରେ କିଏ, ୩୦ ଫୁଟ କୂଅରୁ ଉଦ୍ଧାର ହେଲା ଦେଢ଼ ବର୍ଷର ଶିଶୁ

ବଲାଙ୍ଗିର (ବଡ଼ ଖବର ବ୍ୟୁରୋ): ୩୦ ଫୁଟ ଗଭୀର କୂଅରୁ ଦେଢ଼ ବର୍ଷର ଝିଅକୁ ଉଦ୍ଧାର କଲା ଅଗ୍ନିଶମ ବିଭାଗ । ବଲାଙ୍ଗିର ଜିଲ୍ଲା ପୁଇଁତଳା ଥାନା ପଦମପୁର ଗାଁରେ ଘଟିଛି ଏଭଳି ଘଟଣା । ଗତକାଲି ସନ୍ଧ୍ୟାରେ ଜିତେନ୍ଦ୍ର ବିଶ୍ୱାଳଙ୍କ ଦେଢ଼ ବର୍ଷର ଝିଅ ଆଦ୍ୟାଶା ଖେଳୁଥିବା ସମୟରେ ଗଭୀର କୂଅ ଭିତରେ ପଡିଯାଇଥିଲା । ଏନେଇ ସ୍ଥାନୀୟ ଲୋକେ ଅଗ୍ନିଶମ ବିଭାଗକୁ ଖବର ଦେଇଥିଲେ । ଖବର ପାଇ ବଲାଙ୍ଗିର ଅଗ୍ନିଶମ ବାହିନୀ ପଦମପୁର ଗାଁରେ ପହଞ୍ଚିଥିଲେ । ଏବଂ କୂଅ ଭିତରୁ ଝିଅକୁ ସୁରକ୍ଷିତ ଭାବେ ଉଦ୍ଧାର କରିଥିଲେ । ଏହା ପରେ ଉଦ୍ଧାର ଝିଅକୁ ବଲାଙ୍ଗିର ଭୀମଭୋଇ ମେଡିକାଲ କଲେଜ ହସ୍ପିଟାଲକୁ ଅଣାଯାଇଥିଲା । ଝିଅଟି ସମ୍ପୂର୍ଣ୍ଣ ସୁସ୍ଥ ଥିବା ଜଣା ପଡିଛି।