ଶ୍ରମମନ୍ତ୍ରୀଙ୍କ ନାଁରେ ଦୁଷ୍କର୍ମ ଅଭିଯୋଗ

ଭୁବନେଶ୍ୱର(ବଡ଼ ଖବର ବ୍ୟୁରୋ): ରାଜ୍ୟ ଶ୍ରମମନ୍ତ୍ରୀ ଶ୍ରୀକାନ୍ତ ସାହୁଙ୍କ ନାଁରେ ଦୁଷ୍କର୍ମ ଅଭିଯୋଗ । ପୋଲସରା ବିଧାୟକ ଶ୍ରୀକାନ୍ତ ସାହୁଙ୍କ ନାଁରେ ଅଭିଯୋଗ ଆଣିଛନ୍ତି ନିଜ ଦଳର ନେତ୍ରୀ । ମହିଳା ଜଣଙ୍କ ଏନେଇ ମହିଳା ଥାନାରେ ଅଭିଯୋଗ କରିଛନ୍ତି । ଏବଂ ପୋଲିସ ଉପରେ ଭରସା ଅଛି, ମୁଖ୍ୟମନ୍ତ୍ରୀଙ୍କ ଉପରେ ଭରସା ମୋତେ ନ୍ୟାୟ ନିଶ୍ଚୟ ମିଳିବ ବୋଲି ମହିଳା ଜଣକ କହିଛନ୍ତି । ସୂଚନା ଅନୁସାରେ ୨ ମାସ ପୂର୍ବରୁ ମହିଳା ଜଣକ ଥାନାରେ ଅଭିଯୋଗ କରିବା ପାଇଁ ଆସିଥିଲେ । ମାତ୍ର କିଛି ପ୍ରଭାବଶାଳୀ ନେତାଙ୍କ ହସ୍ତକ୍ଷେପରେ ମାମଲା ରୁଜୁ ନକରି ଫେରିଯାଇଥିଲେ । ମହିଳାଙ୍କର ଶାସକ ଦଳରେ ଦବଦବା ରହିଛି । ମନ୍ତ୍ରୀଙ୍କ ସହ ଘନିଷ୍ଠତା ଯୋଗୁଁ ଶ୍ରମ ବିଭାଗରେ ନଧ୍ୟ ତାଙ୍କର ବେଶ ଖାତିର ରହିଛି । ମନ୍ତ୍ରୀଙ୍କ ନାଁରେ ଅଭିଯୋଗ ଶୁଣି ପୋଲିସ ଚାପ ବଢିଯାଇଥିଲା । ପୋଲିସ ୬ ଘଣ୍ଟା ଧରି ମହିଳାଙ୍କ ସହ ଆଲୋଚନା କରିଥିଲା । ଶେଷରେ ଡାକ୍ତରୀ ମାଇନା ପାଇଁ କ୍ୟାପିଟାଲ ହସ୍ପିଟାଲ ପଠାଇଥିଲା । ଡାକ୍ତରୀ ମାଇନା ପରେ ମାମଲା ରୁଜୁ କରିଛି ।