କନଷ୍ଟେବଳ ଇଂଟରଭ୍ୟୁ ବେଳେ ଅଘଟଣ, ପରୀକ୍ଷାର୍ଥୀ ମୃତ
ଗଞ୍ଜାମ(ବଡ଼ ଖବର ବ୍ୟୁରୋ): ଓଡ଼ିଶା ପୋଲିସ କନଷ୍ଟେବଳ ଇଂଟରଭ୍ୟୁ ବେଳେ ଅଘଟଣ । ପରୀକ୍ଷା ବେଳେ ଗଲା ଜୀବନ । କନେଷ୍ଟବଳ ନିଯୁକ୍ତି ପାଇଁ ୧୬୦୦ମିଟର ଧାଇଁବା ବେଳେ ଚେତାଶୂନ୍ୟ ହୋଇପଡିଥିଲେ ଯୁବକ । ଗଞ୍ଜାମ ଜିଲ୍ଲା ଛତ୍ରପୁରରେ ଘଟିଛି ଏଭଳି ଅଭାବନୀୟ ଘଟଣା । ଛତ୍ରପୁର ରିଜର୍ଭ ପୋଲିସ ପଡିଆ ଠାରେ ୧୬୦୦ ମିଟର ଦୌଡିବା ସମୟରେ ଜଣେ ପରୀକ୍ଷାର୍ଥୀ ହଠାତ୍ ଅଚେତ ହୋଇପଡ଼ି ମୃତ୍ୟୁବରଣ କରିଛନ୍ତି । ଚେତାଶୂନ୍ୟ ହେବାପରେ ତାଙ୍କୁ ପ୍ରଥମେ ଛତ୍ରପୁର ମେଡ଼ିକାଲ ପରେ ବ୍ରହ୍ମପୁର ଏମକେସିଜି କୁ ସ୍ଥାନାନ୍ତର କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।
ମୃତକ ଜଣତ ହେଲେ ଗଞ୍ଜାମ ଖଲ୍ଲିକୋଟ ଶ୍ୟାମସୁନ୍ଦରପୁରର ଗୌରହରି ଦାସଙ୍କ ପୁଅ ଦୀପ୍ତିରଞ୍ଜନ ଦାସ । ସେହିପରି ପୁରୀ ଜିଲ୍ଲାର କନଷ୍ଟେବଳ ଲାଗି ଦୈଡ ପ୍ରତିଯୋଗିତା ଜାରି ରହିଥିବା ବେଳେ ୩ ଯୁବତୀ ଅଚେତ ହୋଇପଡିଥିଲେ । ସେମାନଙ୍କୁ ମେଡିକାଲରେ ଭର୍ତ୍ତି କରାଯାଇଛି ।