କୋଲକାତା(ବଡ଼ ଖବର): ବଢୁଛି ଟିଏମସି ସାଂସଦ ଅଭିଷେକ ବାନାର୍ଜୀଙ୍କ ଅଡୁଆ । ଯାହାକି ଥମିବାର ନା ନଉନି । ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ଆଜି ମନି ଲଣ୍ଡ୍ରିଂ ମାମଲାରେ ତାଙ୍କୁ ଓ ତାଙ୍କ ପତ୍ନୀଙ୍କୁ ଜେରା ପାଇଁ ଡାକିଛି । ଉଭୟ ମନି ଲଣ୍ଡ୍ରିଂ ମାମଲାରେ ଜେରା ହେବେ । ସେମାନଙ୍କୁ ଇଡି ସେପ୍ଟେମ୍ବର ୧ ରେ ସମନ କରିବା ନେଇ ନୋଟିସ ଦେଇଛି । ତେବେ ତାଙ୍କୁ କୋଟି କୋଟି ଟଙ୍କାର କୋଇଲା ଚାଲାଣ ଅଭିଯୋଗରେ ଜେରା କରାଯିବ । ପୂର୍ବରୁ ଏହି କୋଇଲା ଚାଲାଣ ଘଟଣାରେ ସିବିଆଇ ତାଙ୍କୁ ଫେବୃଆରି ୨୩ ରେ ସମନ କରିଥିଲା । ହେଲେ ସିବିଆଇ କୋଇଲା ଚାଲାଣ ସମ୍ପର୍କରେ କିଛି ବି ତଥ୍ୟ ହାସଲ କରିପାରିନଥିଲା ।
ପୂର୍ବରୁ ଏହି ଘଟଣାରେ ସିବିଆଇ ପଶ୍ଚିମବଙ୍ଗର ବଙ୍କୁରା, ପଶ୍ଚିମବର୍ଦ୍ଧମାନ ଭଳି ସ୍ଥାନରେ ରେଡ୍ କରିଥଲା । ସୁଚନା ଅନୁସାରେ ଏହି କୋଇଲା ଚାଲାଣର ମାଷ୍ଟର ମାଇଣ୍ଡ ହେଉଛନ୍ତି ଅନୁପ ମାନଝୀ । ତେବେ ଏହି ଘଟଣାରେ ଅଭିଷେକ ବାନାର୍ଜୀଙ୍କ ପତ୍ନୀଙ୍କ ଭୂମିକା ରହିଛି ବୋଲି ଜ।ଣିବାକୁ ପାଇଥିଲା ସିବିଆଇ । ହେଲେ ଘଟଣା ସ୍ଥିର ହୋଇଯାଇଥିବା ବେଳେ ପୁଣି ଏକ ମନି ଲଣ୍ଡ୍ରିଂ ମାମଲାରେ ଉଭୟ ଅଭିଷେକ ଓ ତାଙ୍କ ପତ୍ନୀ ରୁଜିଆକୁ ହାଜର ହେବା ପାଇଁ ନୋଟିସ ଜାରି କରିଛି ଇଡି ।
