କିରାଣୀଙ୍କୁ ସିଡିପିଓଙ୍କ ଦୁର୍ବ୍ୟବହାର, ଧକ୍କା ଦେଇ ଚେୟାରରୁ ଫୋପାଡି ଦେଲେ

ରାଇଘର (ବଡ଼ ଖବର ବ୍ୟୁରୋ):  କିରାଣୀଙ୍କୁ ସିଡିପିଓଙ୍କ ଦୁର୍ବ୍ୟବହାର । ଗାଳି ଗୁଲଜ କରିବା ସହ ଚେୟାରରୁ ଧକ୍କା ଦେଇ ଫୋପାଡିଦେଲେ ସିଡିପିଓ । ନବରଙ୍ଗପୁର ଜିଲ୍ଲା ଡ଼ାବୁଗାଁ ସିଡିପିଓ କାର୍ଯ୍ୟାଳୟରେ ଏଭଳି ଦୃଶ୍ୟ ଦେଖିବାକୁ ମିଳିଛି । ଆହତ କିରାଣୀ ମେଡିକାଲରେ ଭର୍ତ୍ତି । ଜଣେ ବରିଷ୍ଠ ମହିଳା କିରାଣୀଙ୍କୁ ସିଡ଼ିପିଓ ମାଡ଼ ମାରିବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି । କିରାଣୀ ଜଣକ ବସିଥିବା ଅବସ୍ଥାରେ ଚୌକି ସହ ସିଡ଼ିପିଓ ଠେଲି ଦେଇଥିଲେ । ସିଡ଼ିପିଓ ଗୀତାଂଜଳି ମହାରଣା କେଉଁ କାରଣରୁ ସେଠାକାର କିରାଣୀ ସନ୍ତୋଷିନୀ ମିଶ୍ରଙ୍କୁ ଧକ୍କା ଦେଇଥିଲେ ତାହା ସ୍ପଷ୍ଟ ହୋଇପାରିନାହିଁ ।