ନୂଆଦିଲ୍ଲୀ(ବଡ଼ ଖବର ବ୍ୟୁରୋ): କୁହନ୍ତି ମୃତ୍ୟୁ କାହାକୁ କହିକି ଆସେନି । ସେ କିନ୍ତୁ ଆଗୁଆ ଜାଣିପାରିଥିଲେ ତାଙ୍କ ମୃତ୍ୟୁ ଖବର । ମୋତେ ଯଦି ଭଲ ଚିକିତ୍ସା ମିଳନ୍ତା, ମୁଁ ବଞ୍ଚି ଯାଇଥାନ୍ତି । ମୃତ୍ୟୁ ପୁର୍ବରୁ ଫେସବୁକରେ ଏମିତି ଲେଖି ଅଭିନେତା, ୟୁଟ୍ୟୁବର ରାହୁଲ ଭୋରା । ୩୫ବର୍ଷୀୟ ଭୋରା କିଛିଦନ ତଳେ କରୋନା ସଂକ୍ରମିତ ହୋଇ ଦିଲ୍ଲୀର ରାଜୀବ ଗାନ୍ଧି ସୁପର ସ୍ପେଶାଲିଟି ହସ୍ପିଟାଲରେ ଚିକିତ୍ସିତ ହେଉଥିଲେ । ସେଠାରେ ତାଙ୍କ ସ୍ୱାସ୍ଥ୍ୟବସ୍ଥା ବିଗିଡିବାରୁ ଶନିବାର ତାଙ୍କୁ ଦ୍ୱାରିକାର ଆୟୁଷ୍ମାନ ହସ୍ପିଟାଲକୁ ସ୍ଥାନାନ୍ତରିତ କରାଯାଇଥିଲା । ଚିକିତ୍ସାଧୀନ ଅବସ୍ଥାରେ ଆଜି ତାଙ୍କର ମୃତ୍ୟୁ ହୋଇଛି । ତେବେ ଗତକାଲି ରାହୁଲ ନିଜ ଫେସବୁକ ପେଜରେ ଲେଖିଥିବା ତାଙ୍କ ଶେଷକଥା ସମସ୍ତଙ୍କୁ ମର୍ମାହତ କରିଛି । ଏହି ପୋଷ୍ଟରେ ସେ ଲେଖିଥିଲେ ‘ମୋତେ ଯଦି ଭଲ ଚିକିତ୍ସା ମିଳିଥାନ୍ତା ମୁଁ ବଞ୍ଚି ଯାଇଥାନ୍ତି, ତୁମର ରାହୁଲ, ଏବେ ମୁଁ ସାହସ ହାରି ସାରିଛି, ଜଲ୍ଦି ଜନ୍ମ ନେବି ଆଉ ଭଲ କାମ କରବି’ ।
https://m.facebook.com/story.php?story_fbid=318103159678798&id=100044373490308
ଏହି ପୋଷ୍ଟରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଦିଲ୍ଲୀ ଉପମୁଖ୍ୟମନ୍ତ୍ରୀ ମନିଷ ଶିଶୋଦିଆଙ୍କୁ ଟ୍ୟାଗ କରିଛନ୍ତି । ଏଥିରେ ତାଙ୍କ ବୟସ, ହସ୍ପିଟାଲ ନାଁ ଓ ବେଡ ନମ୍ବର ବି ଦେଇଥିଲେ । ୟୁଟ୍ୟୁବ ସହ ଅଭିନୟ ଦୁନିଆରେ ରାହୁଲଙ୍କର ଏକ ସ୍ୱତନ୍ତ୍ର ପରିଚୟ ଥିଲା । ଖୁବ କମଦିନ ଭିତରେ ସେ ଦର୍ଶକଙ୍କ ହୃଦୟରେ ରାଜ କରିପାରିଥିଲେ । ମୃତ୍ୟୁକୁ ଖୁବ ପାଖରୁ ଦେଖିସାରିଥିଲେ ରାହୁଲ । ତାଙ୍କ ବିୟୋଗ ଓ ଶେଷ ପୋଷ୍ଟ ସାରା ଦେଶରେ ଚର୍ଚ୍ଚାର ବିଷୟ ପାଲଟିଛି ।
