ମାତ୍ର ଥରେ ବିଧାୟକରୁ ମୁଖ୍ୟମନ୍ତ୍ରୀ
ରାଜସ୍ଥାନ(ବଡ଼ ଖବର): ରାଜସ୍ଥାନରେ ମୁଖ୍ୟମନ୍ତ୍ରୀଙ୍କ ନାମକୁ ଶେଷହେଲା ସସପେନ୍ସ । ଜୟପୁରରେ ବିଜେପି ବିଧାୟକ ଦଳ ବୈଠକରେ ଭଜନଲାଲ ଶର୍ମାଙ୍କ ନାମ ଅନୁମୋଦନ ହୋଇଛି । ନିର୍ବାଚନ ଫଳାଫଳର ନଅ ଦିନ ପରେ ମୁଖ୍ୟମନ୍ତ୍ରୀ ଫାଇନାଲ କରିଛି ବିଜେପି ।
ଭଜନଲାଲ ଶର୍ମା ସାନଗର ବିଧାନସଭା ଆସନରୁ ପ୍ରଥମ ଥର ପାଇଁ ବିଧାୟକ ଭାବେ ନିର୍ବାଚିତ ହୋଇଥିଲେ । ଭଜନଲାଲ ଶର୍ମା ଭରତପୁରର ବାସିନ୍ଦା। ଜଣେ ବାହାର ଲୋକ ବୋଲି ଅଭିଯୋଗ ସତ୍ତ୍ୱେ ସାନଗରରୁ ବିପୁଳ ବ୍ୟବଧାନରେ ଜିତିଥିଲେ।
ଶର୍ମା କଂଗ୍ରେସର ପୁଷ୍ପେନ୍ଦ୍ର ଭରଦ୍ୱାଜଙ୍କୁ ୪୮୦୮୧ ଭୋଟରେ ପରାସ୍ତ କରିଛନ୍ତି। ଭଜନ ଲାଲ ଶର୍ମା ସଂଘ ପରିବାରର ନିକଟତର ବୋଲି ବିବେଚନା କରାଯାଏ।