ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଅଭିନେତା ସନ୍ନି ଦେଓଲଙ୍କ ବଡ଼ ଘୋଷଣା । କହିଛନ୍ତି ଆଗାମୀ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବି ନାହିଁ। ଏଣିକି କେବଳ ଫିଲ୍ମରେ କାମ କରିବାକୁ ଚାହୁଁଛି। ଏଥିରୁ ସ୍ପଷ୍ଟ ହୋଇଛି ଯେ ବିଜେପି ୨୦୨୪ ଲୋକ ସଭା ନିର୍ବାଚନରେ ଗୁରୁଦାସପୁର ଆସନରୁ ନୂତନ ପ୍ରାର୍ଥୀ ଦେବ। ଏକ ସାକ୍ଷାତକାରରେ ସନ୍ନି ଦେଓଲ କହିଛନ୍ତି ଯେ, ଆଉ ରାଜନୀତିରେ ମନ ଲାଗୁନାହିଁ। ସନ୍ନି ଦେଓଲ ବର୍ତ୍ତମାନ ପଞ୍ଜାବର ଗୁରୁଦାସପୁର ଲୋକ ସଭା ଆସନରୁ ବିଜେପି ଏମ୍ପି ଅଟନ୍ତି।
ଏହି ଆସନ ବିଜେପି ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ୧୯୯୯ ରୁ ୨୦୦୪ ଏବଂ ୨୦୧୪ ରୁ ୨୦୧୭ ପର୍ଯ୍ୟନ୍ତ ବିଜେପି ଟିକେଟରେ ବିନୋଦ ଖାନ୍ନା ମଧ୍ୟ ଏହି ଆସନର ସଦସ୍ୟ ଥିଲେ। ବିନୋଦ ଖାନ୍ନାଙ୍କ ମୃତ୍ୟୁ ପରେ ଏଠାରେ ଉପନିର୍ବାଚନରେ କଂଗ୍ରେସ ନେତା ସୁନୀଲ ଜାଖର ଜିତିଥିଲେ। ୨୦୧୯ରେ ସନି ଦେଓଲ ପୁଣିଥରେ ଗୁରୁଦାସପୁର ଆସନକୁ ବିଜେପିରୁ ଜିତି ଥିଲେ।
