ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଆଜିଠାରୁ ଆରମ୍ଭ ହେଉଛି ତୃତୀୟ ପର୍ଯ୍ୟାୟ ଟିକାକରଣ । ଏଥିରେ ୧୮ ବର୍ଷରୁ ୪୪ବର୍ଷ ବୟସର ନାଗରିକମାନଙ୍କୁ ଟିକା ଦିଆଯିବ । ତେବେ ଟିକା କମ ଥିବାରୁ କେତେକ ରାଜ୍ୟ ସରକାର ଟିକାକରଣ କେନ୍ଦ୍ର ଗୁଡ଼ିକରେ ଧାଡ଼ି ନବାନ୍ଧିବାକୁ ନାଗରିକ ମାନଙ୍କୁ ଅନୁରୋଧ କରିଛନ୍ତି ।
ଦିଲ୍ଲୀ, ଓଡ଼ିଶା, ଉତ୍ତରାଖଣ୍ଡ, ପଶ୍ଚିମବଙ୍ଗ, ଆନ୍ଧ୍ରପ୍ରଦେଶ ଓ ପଞ୍ଜାବରେ ୧୮ରୁ ୪୪ ବର୍ଷର ଲୋକଙ୍କୁ ଟିକା ଦିଆଯିବା ବିଳମ୍ବ ହେବ । ତେଣୁ ଚଳିତ ମାସରେ ଅନ୍ୟ କୌଣସି ତାରିଖରେ ଏହି ରାଜ୍ୟ ଗୁଡ଼ିକରେ ଟିକା ଦିଆଯିବା ନେଇ ରାଜ୍ୟ ଗୁଡ଼ିକ ଘୋଷଣା କରିପାରନ୍ତି । ସେହିପରି ବଛା ବଛା କିଛି ଜିଲ୍ଲା ଗୁଡ଼ିକରେ ଟିକା ଦିଆଯିବା ନେଇ କିଛି ରାଜ୍ୟ ଘୋଷଣା କରିଛନ୍ତି ।ମୁମ୍ବାଇରେ ଟିକା କମ ଥିବାରୁ ସେଠରେ ଆଜି ମାତ୍ର ୫ଟି କେନ୍ଦ୍ରରେ ଟିକାକରଣ ଅଭିଯାନ ଆରମ୍ଭ ହୋଇଛି ।
