Before Header

ଭାରତକୁ ସହାୟତା ଯୋଗାଇବାକୁ ଆମେରିକା ପ୍ରତିଶ୍ରୁତି ବଦ୍ଧ: କମଳା ହାରିସ

0 50

ୱାସିଂଟନ(ବଡ଼ ଖବର ବ୍ୟୁରୋ): ଭାରତରେ ବଢ଼ିଚାଲିଛି ସଂକ୍ରମଣ । ଭାରତର ଏପରି ପରିସ୍ଥିତିକୁ କରୁଣ ବୋଲି କହିଛନ୍ତି ଆମେରିକା ଉରାଷ୍ଟ୍ରପତି କମଳା ହାରିସ । ଶୁକ୍ରବାର ଓହିଓର ସିନିନାଟିରେ ଏକ ସାମ୍ବାଦିକ ସମ୍ମିଳନୀରେ ହାରିସ କହିଛନ୍ତି ଯେ, ଜୀବନ ହାନୀ କ୍ଷେତ୍ରରେ ଭାରତର ପରିସ୍ଥିତି ଅତ୍ୟନ୍ତ କରୁଣ ସେଥିରେ ସନ୍ଦେହ ନାହିଁ । ଆଉ ଏକ ଦେଶ ହିସାବରେ ଆମେ ଭାରତକୁ ସହାୟତା ଯୋଗାଇ ଦେବାକୁ ପ୍ରତିବଦ୍ଧ ।

ସେହିପରି ସେ ଆହୁରି ମଧ୍ୟ କହିଛନ୍ତି ଯେ, ପିପିଇ କିଟ ଓ ଅନ୍ୟାନ୍ୟ ସାମଗ୍ରୀ ପାଇଁ ଭାରତକୁ ଆମେ ଅର୍ଥ ସାହାଯ୍ୟ କରିବୁ ବୋଲି ପ୍ରତିଶ୍ରୁତି ଦେଇସାରିଛୁ । କିନ୍ତୁ ପରିସ୍ଥିତି ଅତି ଜଟିଳ ଆଉ ଏଥିରେ ପୀଡ଼ିତ ହେଉଥିବା ଲୋକମାନଙ୍କ ପାଇଁ ମୁଁ ପ୍ରାର୍ଥନା କରୁଛି । ମାଡ଼ି ଚାଲିଥିବା କରୋନା ସଂକ୍ରମଣ ଓ ପରିବର୍ତ୍ତିତ ଭାରତୀୟ ପ୍ରଜାତିର ଭୂତାଣୁ କାରଣରୁ ପୂର୍ବରୁ ଭାରତକୁ ଆସିବାକୁ ଆମେରିକା ନିଜ ନାଗରିକ ମାନଙ୍କ ପ୍ରତି କଟକଣା ଘୋଷଣା କରି ସାରିଛି । ଆଉ ସର୍ବ ସାଧାରଣରେ ନିଷେଧାଦେଶ ଘୋଷଣା ହେବା ପରେ ହାରିସଙ୍କର ଭାରତରେ ଥିବା ସମ୍ପର୍କୀୟଙ୍କ ସହ ସେ କଥା ହୋଇ ନାହାନ୍ତି ବୋଲି ହାରିସ ଏହି ସାମ୍ବାଦିକ ସମ୍ମିଳନୀରେ କହିଛନ୍ତି ।

Leave A Reply

Your email address will not be published.