ବାହାନଗା ପରେ ଭଦ୍ରକ ପାସେଞ୍ଜର ଟ୍ରେନରେ ନିଆଁ

ଖଡଗପୁର(ବଡ଼ ଖବର ବ୍ୟୁରୋ):ଘଟୁଛି ଗୋଟିଏ ପରେ ଗୋଟିଏ ଟ୍ରେନ ଦୁର୍ଘଟଣା । ବାହାନଗା ପରେ ଏବେ ଭଦ୍ରକ ପାସେଞ୍ଜର ଟ୍ରେନରେ ଲାଗିଛି ନିଆଁ । ଟ୍ରେନ ଇଞ୍ଜିନ ତଳୁ ଧୂଆଁ ବାହାରୁଥିବା ଯାତ୍ରୀମାନେ ଦେଖିଥିଲେ । ଚଳନ୍ତା ଟ୍ରେନରେ ଚିତ୍କାର କରି ପାଇଲଟକୁ ଇଶାରା ଦେଇଥିଲେ । ଟ୍ରେନରୁ ତଳକୁ ଡେଇଁପଡିଥିଲେ ଯାତ୍ରୀମାନେ ।

ଲକ୍ଷ୍ମଣନାଥ ଷ୍ଟେସନରେ ଟ୍ରେନ ଛିଡା ହେବା ପରେ ପାଇଲଟ ତଳକୁ ଓହ୍ଲାଇ ଇଞ୍ଜିନ ତଳୁ ବାହାରୁଥିବା ନିଆଁକୁ ଆୟତ କରିଥିଲେ । ଇଞ୍ଜିନ ଚକାରେ ଲାଗିଥିବା ସ୍ପ୍ରିଂ ବକ୍ସରେ ମୋବିଲ ଲିକ ପାଇଁ ନିଆଁ ଲାଗିଥିଲା । ଏହାଦେଖି ଯାତ୍ରୀମାନେ ପାଇଲଟକୁ ସୂଚନା ଦେବା ପରେ ଏକ ବଡ ଦୁର୍ଘଟଣାରୁ ବର୍ତ୍ତିଯାଇଥିଲା ଖଡଗପୁର ଭଦ୍ରକ ପାସେଞ୍ଜର ଟ୍ରେନ । ନିଆଁ ଆୟତ୍ତ ହେବାର ୩୦ ମିନିଟ ପରେ ଆଗକୁ ବଢିଥିଲା ଟ୍ରେନ ।