ପୁଣି ବଢ଼ିଲା ପେଟ୍ରୋଲ ଓ ଡିଜେଲ ଦର
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ବୋଲ ମାନୁନି ତୈଳ ଦର । ଦିନକୁ ଦିନ ଉପର ମୁହାଁ ହେବାରେ ଲାଗିଛି ପେଟ୍ରୋଲ ଓ ଡ଼ିଜେଲ ଦାମ । ରବିବାର ପୁଣି ଏଥିରେ ବୃଦ୍ଧି ଘଟିଛି । ପେଟ୍ରୋଲ ଓ ଡିଜେଲ ଲିଟର ପିଛା ୩୫ ପଇସା ବୃଦ୍ଧି ପାଇଛି । ଏହି ବର୍ଦ୍ଧିତ ଦର ବୃଦ୍ଧି ପାଇବା ପରେ ଦିଲ୍ଲୀରେ ପେଟ୍ରୋଲ ଲିଟର ପିଛା ୧୦୫ ଟଙ୍କା ୮୪ ପଇସାରେ ପହଞ୍ଚିଛି । ସେହିପରି ଡିଜେଲ୍ ଦର ୯୪ ଟଙ୍କା ୫୭ ପଇସା ପ୍ରତି ଲିଟର ପଇସା ହୋଇଛି ।
ସେପଟେ ମୁମ୍ବାଇରେ ତୈଳ ଦର ରେକର୍ଡ ଭାଙ୍ଗିଛି । ପେଟ୍ରୋଲ ଲିଟର ପିଛା ୧୧୧ଟଙ୍କା ୨୭ ପଇସାରେ ପହଞ୍ଚିଛି, ସେହିପରି ଡିଜେଲ ଦର ମଧ୍ୟ ୧୦୨ ଟଙ୍କା ୫୨ପଇସାକୁ ବୃଦ୍ଧି ପାଇଛି । ଏପଟେ ଭୁବନେଶ୍ୱରରେ ପେଟ୍ରେଲ ଲିଟର ପିଛା ଦାମ୍ ୧୦୭ ଟଙ୍କା ୮୪ ପଇସା , ଡିଜେଲ ଲିଟର ପିଛା ଦର ୧୦୪ ଟଙ୍କା ୩୦ ପଇସା ରହିଛି । ତେବେ ନିୟମିତ ବଢ଼ୁଥିବା ଦରଦାମକୁ ନେଇ ଖାଉଟି ଅସନ୍ତୋଷ ପ୍ରକାଶ କରିଛନ୍ତି । ସେପଟେ କେନ୍ଦ୍ର ଓ ରାଜ୍ୟ ସରକାର କ୍ସ୍ରକୁ ଦୋଷ ଦେବାରେ ବ୍ୟସ୍ତ ଅଛନ୍ତି ।