ଚାଉଳଚୋରି ଅଭିଯୋଗ, ନିଲମ୍ବିତ ହେଲେ ପ୍ରଧାନଶିକ୍ଷକ

ଜଗତସିଂହପୁର(ବଡ଼ ଖବର ବ୍ୟୁରୋ): ଚାଉଳଚୋରି ଅଭିଯୋଗ, ନିଲମ୍ବିତ ହେଲେ ପ୍ରଧାନଶିକ୍ଷକ, ସହକାରୀ ଶିକ୍ଷକ । ସ୍କୁଲ ଚାଉଳକୁ ଚୋରି କରିଛନ୍ତି ନିଜେ ପ୍ରଧାନଶିକ୍ଷକ । ପ୍ରଧାନଶିକ୍ଷକଙ୍କ ଅବସର ଆଉ ମାତ୍ର ଚାରିଦିନ ଥିବାବେଳେ ଘଟଣାଟି ସାରା ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । ଜଗତସିଂହପୁର ଜିଲ୍ଲା କୁଜଙ୍ଗ ବ୍ଲକରେ ଥିବା ବନ ବିହାରୀ ଉଚ୍ଚ ବିଦ୍ୟାଳୟରେ ଏଭଳି ଘଟଣା ଘଟିଛି ।

ପ୍ରଧାନଶିକ୍ଷକ ରବୀନ୍ଦ୍ର ନନ୍ଦ ଓ ସହକାରୀ ଶିକ୍ଷକ ଶତ୍ରୁଘନ ପ୍ରଧାନ ସ୍କୁଲ ଛୁଟି ଥିବା ସମୟରେ ଏକ ପିକଅପ ଭ୍ୟାନରେ ପାଞ୍ଚ କୁଇଣ୍ଟାଲ ଚାଉଳ ଲୋଡ କରିଥିବା ସମୟରେ ରେଡ ହ୍ୟାଣ୍ଡରେ ଧରିଥିଲେ ଉକ୍ତ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀ । ସେମାନେ ସ୍କୁଲର ମ୍ୟାନେଜିଂ କମିଟିକୁ ମଧ୍ୟ ଖବର ଦେଇଥିଲେ । ତେବେ ଘଟଣାସ୍ଥଳରେ କୁଜଙ୍ଗ ପୋଲିସ ପହଂଚି ଦୁଇ ଅଭିଯୁକ୍ତଙ୍କୁ ଥାନାରେ ଅଟକ ରହିଛି । ତେବେ ମଧ୍ୟାହ୍ନ ଭୋଜନ ଚାଉଳ ବିକ୍ରି ଘଟଣାକୁ ନେଇ କାର୍ଯ୍ୟରୁ ନିଲମ୍ବିତ ହୋଇଛନ୍ତି ଭାରପ୍ରାପ୍ତ ପ୍ରଧାନଶିକ୍ଷକ।