ପିଲା ଚୋରକୁ ଧରିଲେ, ନିସ୍ତୁକ ପିଟିଲେ
ଜଳେଶ୍ୱର (ବଡ଼ ଖବର ବ୍ୟୁରୋ): ଇଟା ଭାଟିରୁ ତିନି ବର୍ଷର ଶିଶୁପୁତ୍ର ନିଖୋଜ ଘଟଣା । ଶିଶୁପୁତ୍ରକୁ ଚାଲାଣ ବେଳେ ଜଣେ ମହିଳାଙ୍କ ସହ ଜଣେ ଯୁବକକୁ ଧରିଲେ ଗ୍ରାମବାସୀ। ଶିଶୁ ପୁତ୍ରର ଦେହରେ ଚେଙ୍କ ଦେବା ସହିତ କ୍ଷତାକ୍ତ ଅବସ୍ଥାରେ ଉଦ୍ଧାର କରିଛନ୍ତି ଗ୍ରାମବାସୀ । ଉତ୍ତ୍ୟକ୍ତ ଲୋକ ମହିଳା ଓ ଯୁବକଙ୍କୁ ଗଛ ରେ ବାନ୍ଧି ନିସ୍ତୁକ ମାଡ଼ ମାରିଛନ୍ତି । ଘଟଣା ସ୍ଥଳେରେ ଜଳେଶ୍ୱର ପୋଲିସ ପହଂଚି ଦୁଇ ଜଣଙ୍କୁ ଅଟକ ରଖି ଅଧିକ ପଚାର ଉଚରା କରୁଛି । ସୂଚନା ଅନୁଯାୟୀ ବାଲେଶ୍ବର ଜିଲ୍ଲା ରାଇବଣିଆ ଥାନା କୁଣ୍ଡୁଳି ଗ୍ରାମରେ ଥିବା ଟାଟା ଇଟା ଭାଟିରେ ମୟୂରଭଞ୍ଜ ଜିଲ୍ଲା ମୋରଡା ଥାନା ଅଞ୍ଚଳର କାସରାଇ ମାରାଣ୍ଡି ଚଳିତ ବର୍ଷ କାମ କରିବା ପାଇଁ ସ୍ତ୍ରୀ ଓ ଦୁଇ ପୁଅକୁ ନେଇ ଆସିଥିଲେ ।
କିନ୍ତୁ ଗତକାଲି କାସରାଇ ଏବଂ ତାଙ୍କ ସ୍ତ୍ରୀ ଖାଇବାକୁ ବସିଥିବା ବେଳେ ତାଙ୍କ ୩ ବର୍ଷର ବଡ ପୁଅ ହରି ମାରାଣ୍ଡି ଇଟା ଭାଟିରେ ଖେଳୁଥିଲା । ଖାଇ ସାରି କାସରାଇ ପୁଅକୁ ଖୋଜିଲା ବେଳକୁ ପାଇ ନଥିଲେ । ବହୁ ସମୟର ଖୋଜା ଖୋଜି ପରେବି ପୁଅକୁ ପାଇ ନଥିଲେ । ଆଜି କାସରାଇ ରାଇବଣିଆ ଥାନାରେ ପୁଅ ନିଖୋଜର ଅଭିଯୋଗ ପରେ ରାଇବଣିଆ ପୋଲିସ ଓ ଜଳେଶ୍ଵର ଏସଡିପିଅ ଘୋଟଣା ସ୍ଥଳରେ ଇଟା ଭାଟି ସହିତ ବିଭିନ୍ନ ସ୍ଥାନରେ ବିଭିନ୍ନ ଦିଗରୁ ଛାନଭିନ ଆରମ୍ଭ କରିଥିଲା । ହେଲେ ଶିଶୁ ପୁଅକୁ ଅନ୍ୟତ୍ର ଚାଲାଣ ବେଳେ ଧରିଥିଲେ ଗ୍ରାମବାସୀ। ।