ୟୁଟ୍ୟୁବ ପାଇଁ ଆମାଜନ ଓ ଫ୍ଲିପକାର୍ଟଙ୍କ ମୁଣ୍ଡବିନ୍ଧା
ନୂଆଦିଲ୍ଲୀ(ବଡ଼ ଖବର ବ୍ୟୁରୋ) ଆମ ଦେଶରେ ବିଭିନ୍ନ ପ୍ରକାରର ସପିଙ୍ଗ ସାଇଟ ମାନ ଅଛି । ପେଯରିକି ଆମାଜନ୍, ଫ୍ଲିପକାର୍ଟ, ଏହିପରି ବିଭିନ୍ନ ପ୍ରକାରର ସପିଙ୍ଗ ସାଇଟ୍, ଯେଉଁଥିରୁ ଆମେ ଘରେ ବସି ନିଜ ପସନ୍ଦ ମୁତାବକ ଜିନିଷ କିଣିପାରୁଛୁ । କିନ୍ତୁ ଏଥିରେ ଏବେ ଆଉ ଏକ ନୂଆମୋଡ଼ ଦେଖିବାକୁ ମିଳିବ । କାରଣ ଏବେ ୟୁଟ୍ୟୁବ ଏହାର ପ୍ରଥମ ଅଫିସିଆଲ ସପିଂ ଚ୍ୟାନେଲକୁ ଲଞ୍ଚ କରିବାକୁ ଯାଉଛି । ଏହା ପ୍ରଥମେ ଦକ୍ଷିଣ କୋରିଆରେ ଆରମ୍ଭ ହେବ ଏବଂ କୋରିଆ ଭାଷାରେ ମଧ୍ୟ କାର୍ଯ୍ୟ କରିବ । ୟୁଟ୍ୟୁବ ଏହାର ସପିଂ ଚ୍ୟାନେଲକୁ ଲଞ୍ଚ କରିବ । ଯାହା ଫ୍ଲିପକାର୍ଟ ଏବଂ ଆମାଜନ ପାଇଁ ମୁଣ୍ଡ ବିନ୍ଧାର କାରଣ ହେବାକୁଯାଉଛି । କାରଣ ୟୁଟ୍ୟୁବ ହେଉଛି ଗୁଗୁଲର ଏକ କମ୍ପାନୀ ଏବଂ ଏହାର ସପିଂ ଚ୍ୟାନେଲର ୩୦ଟି ବ୍ରାଣ୍ଟକୁ ଅନ୍ତର୍ଭୁକ୍ତ କରାଯାଇଛି ।
ଏହାର ୟୁଜର ସଂଖ୍ୟା ମଧ୍ୟ ବହୁତ ଅଧିକ । ତେଣୁକରି ଏହା ଆମାଜନ ଏବଂ ଫ୍ଲିପକାର୍ଟକୁ କଡା ଟକ୍କର ଦେବ । ଫଳରେ ଦକ୍ଷିଣ କୋରିଆ ଲାଇଭ ଷ୍ଟ୍ରିମିଂ କମର୍ସିଆଲ ବ୍ୟବସାୟର ଯାଂଚ ବୃଦ୍ଧି ହେବାକୁ ଯାଉଛି । କିନ୍ତୁ ଏବେ ସମସ୍ତଙ୍କ ମନରେ ଗୋଟିଏ ପ୍ରଶ୍ନ କ’ଣ ଏହି ଲାଇଭ ଷ୍ଟ୍ରିମିଂ ସପିଂ? ଯେତେବେଳେ ଆପଣ ସିଧାସଳଖ ଲାଇଭ ଭିଡିଓ ଷ୍ଟ୍ରିମିଂ ଦେଖି ସପିଂ କରନ୍ତି ତାହାକୁ ଲାଇଭ ଷ୍ଟ୍ରିମିଂ ସପିଂ କୁହାଯାଏ । କାରଣ ଏହାଦ୍ୱାରା ପ୍ରଡକ୍ଟ ଗୁଡିକ ଭିଡିଓରେ ପ୍ରଦର୍ଶିତ ହେବ । ଆପଣ ଏହି ଭିଡିଓରେ ଦର୍ଶାଯାଇଥିବା ଲିଙ୍କରେ କ୍ଲିକ କରି ସିଧାସଳଖ ସପିଂ କରିପାରିବେ । କାରଣ ଆଜିକାଲି ଲୋକେ ଲାଇଭ ଷ୍ଟ୍ରିମିଂ ସପିଂ କରିବାକୁ ପସନ୍ଦ କରୁଛନ୍ତି ।