ଜମିଜମା ବିବାଦରୁ ଦୁଇପରିବାର ମଧ୍ୟରେ ଗଣ୍ଡଗୋଳ
ବାଲିଆପାଳ(ବଡ଼ ଖବର ବ୍ୟୁରୋ): ଜମିଜମା ବିବାଦରୁ ଦୁଇପରିବାରଙ୍କ ମଧ୍ୟରେ ଗଣ୍ଡଗୋଳ । ବାଲିଆପାଳ ଥାନା ଅନ୍ତର୍ଗତ ପଞ୍ଚୁପାଲି ପଞ୍ଚାୟତର କାଳସିମୁଳି ଗ୍ରାମରେ ଜମିଜମା ବିବାଦକୁ ନେଇ ଦୁଇପରିବାର ମଧ୍ୟରେ ଗଣ୍ଡଗୋଳ । ଉଭୟ ପକ୍ଷର ୬ଜଣ ଆହତ ହୋଇଛନ୍ତି। ଆହତ ମାନଙ୍କୁ ଦୁଇଟି ଆମ୍ବୁଲାନ୍ସରେ ଇଡ୍କୋ ହସପିଟାଲ୍ ଓ ସିରିୟସ୍ ଥିବା ପେସେଣ୍ଟକୁ ବସ୍ତା ହସ୍ପିଟାଲ୍ ସ୍ଥାନାନ୍ତର କରାଯାଇଛି।
ସୂଚନା ଅନୁସାରେ, କାଳସିମୁଳି ଗ୍ରାମର ମାୟାଧର ବେହେରା ଓ ଲମ୍ବୋଧର ବେହେରାଙ୍କ ମଧ୍ୟରେ ଆଗରୁ ଜମିଜମାକୁ କେନ୍ଦ୍ରକରି ବିବାଦ ରହିଥିବା ବେଳେ ତାହା ଉଗ୍ରରୂପ ନେଇଛି । ବିଲମଝିରେ ଉଭୟ ପରିବାର ମଧ୍ୟରେ ସଂଘର୍ଷ ଘଟିଥିଲା। ଫଳରେ ଉଭୟ ପରିବାରରୁ ୬ଜଣ ଆହତ ହୋଇଛନ୍ତି। ଆହତଙ୍କ ମଧ୍ୟରେ ମାୟାଧର ବେହେରା, ତାଙ୍କ ସ୍ତ୍ରୀ ସୌଭାଗିନୀ ବେହେରା ଓ ପୁଅ ଜଗଦୀଶ୍ ବେହେରାଙ୍କୁ ସ୍ଥାନୀୟ ଇଡ୍କୋ ହସପିଟାଲକୁ ପଠା ଯାଇଥିବା ବେଳେ ଅଧିକ କ୍ଷତାକ୍ତ ହୋଇଥିବା ଲମ୍ବୋଦର ବେହେରା, ତାଙ୍କ ସ୍ତ୍ରୀ ମମତା ବେହେରା, ଓ ପୁଅ ଚନ୍ଦ୍ରକାନ୍ତ ବେହେରାଙ୍କୁ ବସ୍ତା ହସ୍ପିଟାଲ୍ ସ୍ଥାନାନ୍ତର କରାଯାଇଛି। ଥାନାରେ କୌଣସି ପକ୍ଷ ମାମଲା ଦାୟର୍ କରିନଥିବା ଜଣାପଡିଛି ।