ଟପ -୧୦ କୋଟିପତି ତାଲିକାରୁ ବାଦ ପଡ଼ିଲେ ଅମ୍ବାନୀ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଟପ -୧୦ କୋଟିପତି ତାଲିକାରୁ ବାଦ ପଡ଼ିଲେ ମୁକେଶ ଅମ୍ବାନୀ । ମୁକେଶ ଅମ୍ବାନୀଙ୍କ ସମ୍ପତ୍ତି ୩୦.୨ ମିଲିୟନ ଡଲାରରେ ହ୍ରାସ ପାଇଛି । ବର୍ତ୍ତମାନ ଅମ୍ବାନୀଙ୍କ ମୋଟ ସମ୍ପତ୍ତି ହେଉଛି ୧୦୨ ବିଲିୟନ ଡଲାର । ସମ୍ପତ୍ତି ହ୍ରସ ହେବା ଫଳରେ ଅମ୍ବାନୀ ଶ୍ରେଷ୍ଠ ୧୦ ଅରବପତି ତଥା କୋଟିପତି ତାଲିକାରୁ ବାଦ ପଡିଛନ୍ତି । ସେ ଟପ ଟେନରେ ନ ରହି ୧୧ ନମ୍ବର ସ୍ଥାନରେ ରହିଛନ୍ତି ।

ସେପଟେ ଟେସଲା କମ୍ପାନୀ ମୁଖ୍ୟ ଏଲୋନ ମସ୍କଙ୍କ ସମ୍ପତ୍ତି ଉପରେ ଖୁବ ଲାଗ ହୋଇଛି । ଟେସଲା ସିଇଓ ଏଲୋନ ମସ୍କଙ୍କ ସମ୍ପତ୍ତି ୬.୦୬ ବିଲିୟନ ଡଲାରକୁ ବୃଦ୍ଧି ପାଇଛି । ବର୍ତ୍ତମାନ ମସ୍କର ସମ୍ପତ୍ତି ହେଉଛି ୨୩୬ ବିଲିୟନ ଡଲାର । ତାଙ୍କ ପରେ ଆମାଜନ ସିଇଓ ଜେଫ ବେଜୋସ ଦ୍ୱିତୀୟ ସ୍ଥାନରେ ଅଛନ୍ତି । ଏହା ସହ ଜେଫଙ୍କ ସମ୍ପତ୍ତି ୫.୬୩ ବିଲିୟନ ଡଲାରରୁ ୧୯୭ ବିଲିୟନ ଡଲାରକୁ ବୃଦ୍ଧି ପାଇଛି ।