ବିଜାପୁର (ବଡ଼ ଖବର ବ୍ୟୁରୋ): ସହିଦ୍ ଯବାନଙ୍କୁ ଶ୍ରଦ୍ଧାଞ୍ଜଳି ଜଣାଇଲେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ । ଶନିବାର ସଂଧ୍ୟାରେ ଛତିଶଗଡ଼ ସୁକମାରେ ହୋଇଥିଲା ନକ୍ସଲ ଆକ୍ରମଣ । ଏହି ଆକ୍ରମଣରେ ୨୨ ଜଣ ବୀର ଯବାନ ସହିଦ୍ ହୋଇଥିଲେ । ଆଜି ଛତିଶଗଡ଼ ଜଗଦଲପୁର ଯାଇ ସହିଦ ଯବାନଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି ଅମିତ ଶାହ । ସେଠାରେ ତାଙ୍କ ସହିତ ଛତିଶଗଡ଼ ମୁଖ୍ୟମନ୍ତ୍ରୀ ଭୂପେଶ ବାଘେଲ ମଧ୍ୟ ସହିଦ ଯବାନଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି । ସେପଟେ ଏହି ଆଓବାଦୀ ଆକ୍ରମଣ ପରେ ଗୃହ ମନ୍ତ୍ରଣାଳୟ ସତର୍କ ହୋଇଯାଇଛି ।
ଶ୍ରଦ୍ଧାଞ୍ଜଳି ଦେବା ପରେ ଗୃହମନ୍ତ୍ରୀ ବରିଷ୍ଠ ପୋଲିସ ଅଧିକାରୀଙ୍କ ସହିତ ମାଓବାଦୀ ଦମନ ଅଭିଯାନର ସମୀକ୍ଷା ନେଇ ଏକ ବୈଠକ କରିବାର କାର୍ଯ୍ୟକ୍ରମ ଥିବା ଜଣାପଡ଼ିଛି । ଏହାସହିତ ଗୃହମନ୍ତ୍ରୀ ଅମିତ ଶାହ ହସ୍ପିଟାଲ ଯାଇ ଆହତ ଯବାନମାନଙ୍କୁ ଭେଟିଛନ୍ତି । ସୂଚନା ମୁତାବକ, ମାଲକାନଗିରି ସୀମାନ୍ତବର୍ତ୍ତୀ ଛତିଶଗଡ଼ର ବିଜାପୁର ଜିଲ୍ଲା ସୁକମା ଠାରେ ଯବାନ ଓ ନକ୍ସଲଙ୍କ ମଧ୍ୟରେ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଏହି ଗୁଳିମାଡ଼ରେ ଜଣେ ମହିଳା ମାଓବାଦୀଙ୍କ ନିହତ ହୋଇଥିବା ସୂଚନା ମିଳିଛି ।
