ଓଡ଼ିଶା ଭୋଟ ଗଣୁଛି ଆନ୍ଧ୍ର

ରାୟଗଡ଼ା(ବଡ଼ ଖବର ବ୍ୟୁରୋ): ଓଡ଼ିଶା ଭୋଟ ଗଣୁଛି ଆନ୍ଧ୍ର । ଆନ୍ଧ୍ର ସାଲୁରର ଏକ ସରକାରୀ ଡିଗ୍ରୀ କଲେଜରେ ବିବାଦୀୟ କୋଟିଆ ପଞ୍ଚାୟତର ଭୋଟ ଗଣତି କରୁଛି ଆନ୍ଧ୍ର । ଓଡ଼ିଶାର ବିରୋଧ ସତ୍ତେ୍ବ ଗତ ଏପ୍ରିଲ ୮ ତାରିଖରେ ସାଲୁର ମଣ୍ଡଳ ୧୬ଟି ପଞ୍ଚାୟତ ମଧ୍ୟରୁ କୋଟିଆ ପୁଞ୍ଜର  ଗଞ୍ଜେଇପଦରରେ ଆନ୍ଧ୍ର ସରକାର ବଳପୂର୍ବକ  କରିଥିଲା ନିର୍ବାଚନ। ତେବେ ବହୁ ବାଦ ବିବାଦ ପରେ ଆଜି ଭୋଟ ଗଣତି କରୁଛି ଆନ୍ଧ୍ର।

ଆନ୍ଧ୍ର ହାଇକୋର୍ଟର ଏକ ବେଞ୍ଚ ଏହି ନିର୍ବାଚନକୁ ଅସିଦ୍ଧ ଘୋଷଣା କରିଥିଲେ ପରେ ଏହି ନିଷ୍ପତ୍ତିର ପୁନଃ ବିଚାର କରି ଭୋଟ ଗଣତି କରିବାକୁ ନିର୍ଦ୍ଦେଶ ଦେବା ପରେ ଆଜି ଭୋଟ ଗଣତି ହୋଇଛି । ଓଡ଼ିଶା ମାଟିରେ ଆନ୍ଧ୍ର ନିର୍ବାଚନ କରି ଭୋଟ ଗଣତି କରୁଥିଲେ ମଧ୍ୟ ଓଡ଼ିଶା ସରକାରଙ୍କ ପକ୍ଷରୁ ଏନେଇ ସେପରି କୌଣସି ପଦକ୍ଷେପ ଗ୍ରହଣ କରାଯାଇ ନାହିଁ । ଯାହା ଓଡିଶାଙ୍କୁ ଆଉ ଏକ ଶକ୍ତ ଧକ୍କା ଦେଇଛି। ରାଜ୍ୟରେ  ଆରମ୍ଭ ହେବ ଜଗନମୋହନ ଶାସନ।