ରାସ୍ତାରେ ବୁଲୁଛି ବାଘ
ଟାଙ୍ଗୀ-ଚୌଦ୍ୱାର (ବଡ଼ ଖବର ବ୍ୟୁରୋ): କଟକ ବନଖଣ୍ଡ ଡାଳିଯୋଡ଼ା ବନାଞ୍ଚଳ ଚୌଦ୍ୱାର ଥାନା ମଙ୍ଗରାଜପୁର ପଞ୍ଚାୟତ ଡମଣୀ ଜଙ୍ଗଲ ରାସ୍ତାରେ ଦୁଇଟି ବାଘଛୁଆ ଖେଳୁଛନ୍ତି । ମଙ୍ଗରାଜପୁର ଗ୍ରାମ ନିକଟରେ ଥିବା ପ୍ରକୃତି ଆଶ୍ରମକୁ ଯିବାବେଳେ କିଛି ଲୋକ ରାସ୍ତାରେ ବାଘଛୁଆ ଖେଳୁଥିବା ଦେଖିଥିଲେ । ପରେ ଆଶ୍ରମରେ ଥିବା ବ୍ୟକ୍ତିଙ୍କୁ ଖବର ଦେଇଥିଲେ ।
ଆଶ୍ରମରେ କାର୍ଯ୍ୟରତ କର୍ମଚାରୀମାନେ ବନବିଭାଗକୁ ଖବର ଦେଇଥିଲେ । ବନ ବିଭାଗ କର୍ମଚାରୀ ଆସିବା ବାଘର ପାଦଚିହ୍ନ ଦେଖିଥିଲେ । ପ୍ରଥମେ ବନ ବିଭାଗ କର୍ମଚାରୀ ଏହାକୁ ଅବିଶ୍ୱାସ କରିଥିବା ବେଳେ ପରେ ପାଦ ଚିହ୍ନ ଦେଖିବା ପରେ ମାନିଥିଲେ । ସେପଟେ ପୂର୍ବରୁ ମଧ୍ୟ ଅନେକଥର ବାଘକୁ ଦେଖିଥିବା ସ୍ଥାନୀୟ ଲୋକେ କହିଛନ୍ତି । ବନ ବିଭାଗକୁ କହିବା ପରେ ମଧ୍ୟ ଏଥିପ୍ରତି ଧ୍ୟାନ ଦେଉନଥିବା ମଧ୍ୟ ଲୋକେ କହିଛନ୍ତି । ଏବେ ଘଟଣାକୁ ଗୁରୁତ୍ୱର ସହ ନେଇ ବାଘକୁ ଖୋଜୁଛି ବନ ବିଭାଗ ।